Ժամանակակից աշխարհում ինքնությունները կապվում են պետությունների հետ. Հ1-ի եթերում Պետրոս Ղազարյանի հարցին ի պատասխան, թե՝ աում են՝ Դուք մեր ինքնությունն եք ոչնչացնում, ասաց Փաշինյանը։
«Սփյուռքում ամեն տարի տասնյակ հազարավոր հայեր մոռանում են հայերեն իմացած իրենց վերջին բառը։ Ունենաս պետություն, կունենաս ինքնություն, չունեցար պետություն, չես ունենա ինքնություն, մնացածը լեգենդ ա։ Մեր ինքնությունը որ մենք պահպանել ենք նաև պետություն չունենալու պայմաններում, 15-րդ դարում պահպանել ենք միայն էն ինստիտուտների ու արժեքների շնորհիվ, որ ձևավորել ենք պետականություն ունենալու շրջանում։
Եթե չունենայինք պետություն, Արտաշես, Պապ, Տրդատ արքաները չլինեին, մենք էսօր պետություն չէինք ունենա։ Հայրենիքը պետությունն է, պետությունից դուրս Հայրենիք չկա։ Մեզ թվացել ա, որ կարանք աշխարհի քարտեզի որ հատվածին նայենք ու ասենք՝ վայ, էս մեր հայրենիքն ա, էս էլ ամեր հայրենիքը, և դրա արդյունքում դարձել ենք ֆորպոստ։
Եթե ուզում ենք անկախ պետություն լինենք, պետք է Հայրենիքն ու պետությունը նույնականացնենք, ասենք, որ կենտրոնանում ենք մեր պետության և նրա շահերի սպասարկման վրա, և մենք ուրիշների կյանքը փչացնելու կամ ուրիշների միջազգայնորեն ճանաչված տարածքներից կտորներ վերցնելու հավակնություն չունենք»,- հայտարարեց Փաշինյանը։
