Փաշինյանի մամուլի ծառայությունը բաց է թողել Փաշինյան-Պուտին հեռախոսազրույցի կարևորագույն կետը. «7օր»
«7օր»-ը գրում է. Նիկոլ Փաշինյանի մամուլի ծառայությունը հայտնել է Փաշինյանի և Պուտինի հեռախոսազրույցի մասին ։
Նիկոլ Փաշինյանը և ՌԴ նախագահ Վլադիմիր Պուտինը հեռախոսազրույց են ունեցել.
Զրուցակիցները քննարկել են Եվրասիական տնտեսական միությունում Հայաստանի Հանրապետության նախագահության արդյունքները, ԵԱՏՄ շրջանակներում առաջիկա իրադարձությունները, ինչպես նաև հայ-ռուսական հարաբերությունների երկկողմ օրակարգի մի շարք հարցեր»,- նշվում է հաղորդագրության մեջ։
Հատկանշական է, որ Կրեմլի կայքում տեղադրված հաղորդագրությունը կտրուկ տարբերվում է ՀՀ կառավարության մամուլի ծառայության հայտարարությունից։
Մասնավորապես, նշվում է, որ Նիկոլ Փաշինյանը բացատրել է Երևանի վերջին քայլերի հետ կապված իրավիճակը՝ Եվրամիության հետ հարաբերությունների համատեքստում։ ՌԴ ղեկավարը տվել է համապատասխան մեկնաբանություններ և գնահատականներ ։
Փաշինյանի մամուլի ծառայության հաղորդագրության մեջ զրույցի այս հատվածին չի անդրադարձել։
Ի դեպ, սա առաջին անգամը չէ, որ Նիկոլ Փաշինյանը ներկայացնում է իր հեռախոսազրույցը՝ բաց թողնելով որոշ կարեւոր մանրամասներ։
