Մենք խնդիր չենք ունեցել որևէ մեկին աշխատանքից հեռացնելու։ Այս մասին այսօր Հանրային ՀԸ-ի եթերում ասաց Երևանի քաղաքապետ Տիգրան Ավինյանը՝ անդրադառնալով ավտոբուսների վարորդների գործադուլներին և նրանց աշխատանքից ազատելու դեպքերին:
«Մեր միակ նպատակը եղել է՝ խնդիրները, որ բարձրաձայնվել են, արդար լուծում գտնեն։ Ցավով եմ նշում՝ 32 աշխատակցի հեռացրել ենք աշխատանքից»,-նշեց նա և ընդգծեց, որ որևէ պարագայում կոմպրոմիս չի լինելու:
«Ովքեր ուզում են, թող վերադառնան աշխատանքի, ուրիշ առաջարկ չենք անելու»,-ասաց Ավինյանը։
Հիշեցնենք՝ «Երևանի ավտոբուս» ՓԲԸ–ի վարորդներն այսօր առավոտից գործադուլ են անում` պահանջելով, որ իրենց աշխատավարձերն ու աշխատանքային պայմանները վերանայվեն։
