Գիշերը Թբիլիսիում հատուկջոկատայինները ցուցարարներին հանել են Ռուսթավելի պողոտայից

Նոյեմբերի 28-ի երեկոյան Վրաստանում ընդդիմադիրների նախաձեռնությամբ բողոքի ցույցեր են կազմակերպվել։

Գիշերվա ընթացքում Վրաստանի ՆԳՆ հատուկ ջոկատայիններն ամբողջությամբ դուրս են մղել ցուցարարներին Թբիլիսիի Ռուսթավելի պողոտայից։

Ոստիկանությունն օգտագործել է ջրցան մեքենաներ և արցունքաբեր գազ։ Որոշ տուժածներ օգնություն են խնդրել այնտեղ հերթապահող շտապօգնության բրիգադներից։

Ինչպես հայտնում է ՏԱՍՍ-ը, մի քանի ցուցարար բերման է ենթարկվել։ Ցուցարարները չեն դիմադրել իրավապահներին։

Ռուսթավելի պողոտայում ցուցարարների և ոստիկանների դիմակայությունը շարունակվել է ամբողջ գիշեր։ Ժամանակ առ ժամանակ ոստիկանների հետ քաշքշուկներ են եղել, որոնք ավարտվել են ձերբակալություններով։Ցուցարարներն այրել են աղբամաններ և փայտե աթոռներ։ Նրանց միջեւ ժամանակ առ ժամանակ բախումներ են եղել։ Ոստիկանությունը շարունակել է ջրցան մեքենաներ և արցունքաբեր գազ է կիրառել։

Բերման է ենթարկվել 43 ցուցարար։