Սպիտակ տան նորընտիր ղեկավար Դոնալդ Թրամփին վտանգ է սպառնում ԱՄՆ-ում վերջերս տեղի ունեցած նախընտրական քարոզարշավի ընթացքում նրա դեմ մահափորձերի ֆոնին: Այս մասին Աստանայում ՀԱՊԿ գագաթնաժողովի արդյունքներով՝ լրագրողների հետ զրույցում ասել է Ռուսաստանի նախագահ Վլադիմիր Պուտինը:
Նա, մասնավորապես, նշել է. «Ինձ զարմացրեց, որ Թրամփի նկատմամբ կիրառվել են պայքարի ոչ քաղաքակիրթ մեթոդներ՝ ընդհուպ մինչև սպանության փորձ, ընդ որում՝ բազմիցս։ Ի դեպ, իմ կարծիքով, հիմա էլ նա անվտանգ չէ: ԱՄՆ նախագահական քարոզարշավի ժամանակ Թրամփի ընտանիքի վրա հարձակումները զզվելի էին։ Թրամփը դեռ ապահով չէ: Նա խելացի և փորձառու քաղաքական գործիչ է։ Հուսով եմ՝ ավելի զգույշ կլինի»:
