Լեռնային Ղարաբաղի շրջափակման պայմաններում ռուս խաղաղապահների պասիվությունը 2023թ. սեպտեմբերին, նրանց հեռանալը Լեռնային Ղարաբաղից դժգոհություն են առաջացրել նրանց գործունեության մասով։ Այս մասին մայիսի 7-ին, Ազգային ժողովում ավանդական ճեպազրույցների ժամանակ ասել է «Հայաստան» խմբակցության պատգամավոր Արթուր Խաչատրյանը։
«Մենք նույնպես բազմիցս մեր դժգոհությունն ենք հայտնել այս առիթով, բայց իշխանությունները փորձում են օգտագործել օբյեկտիվ դժգոհությունը եւ ներքին խնդիրների հարցին արտաքին ուղղվածություն հաղորդել, չնայած այստեղ արտաքին քաղաքական կողմնորոշիչի հարց չկա»,- նշել է նա։
Նրա գնահատմամբ՝ Հայաստանի գլխավոր դատախազը հերքել է Հայաստանի իշխանությունների հայտարարությունն այն մասին, որ որոշ ուժեր երկրում արտասահմանի սադրանքով փորձում են հեղաշրջում իրականացնել։
Խաչատրյանը հիշեցրել է, որ ոչ մի քրեական գործ չի հարուցվել։
«Պատերազմի օրերին եւ դրանից հետո իշխանություններն ասում էին, որ ինչ-որ մեկը Ստեփանակերտում փորձում է դասալքություն հրահրել, այլ հայտարարություններ էլ են արվել, բայց դրանք բոլորը քարոզչական պղպջակներ էին, որոնք պայթում են մեկը մյուսի հետեւից»,- ավելացրել է պատգամավորը։
Խաչատրյանը նշել է, որ իշխանությունները, որոնք հայտարարում էին, որ ժողովրդի թիկունքում ոչինչ չեն անելու, գաղտնի են պահում անգամ քարտեզները, որոնցով իրականացվում է այսպես կոչված սահմանազատման գործընթացը։ «Վերջին անգամ այդ գործընթացը Խորհրդային Հայաստանի եւ Սդրբեջանի միջեւ իականացվել է 1988թ.։ Այդ ժամանակ նույն Տավուշի մարզին են վերադարձվել Ադրբեջանի զավթած տարածքները։ Վերադարձվե՞լ են Հայաստանին այդ տարածքները։ Իշխանություններն այս հարցը գաղտնի են պահում։ Ադրբեջանում եւ Ռուսաստանում այդ քարտեզները կան, բայց Հայաստանի ժողովրդից դրանք գաղտնի են պահում»,- ամփոփել է նա։
