Ես չեմ բացառում, որ ադրբեջանցիները կհարձակվեն, ներողություն, իսկ ինչի՞ չհարձակվեն, կարծում եմ, որ իրենք դա բաց բան են արել… մենք, իհարկե, պատրաստ ենք, ու էնպես չի, որ ընդդիմադիրների էն տրամաբանությունից ենք ելնում, որ ամեն ինչ տալիս ենք:
Հայաստանի տարածքից որևիցե բան նույնիսկ սակարկման մեջ չենք դնում: Երկու տարի է՝ միջանցքի մասին է խոսք գնում, բա ինչո՞ւ դրա հետ կապված զիջման չգնացինք, որովհետև ակնհայտ է, որ դա մեր իրավասության գոտում է, բայց էն որ ինչ-որ տեղից պետք է քարտեզագրումը սկսվի, դա ակնհայտ է: Տավուշից սահմանազատումը սկսելը մեզ համար ընդունելի է. ԱԺ-ում այսօր ասել է Ալեն Սիմոնյանը։
Ադրբեջանին էլ ինչպե՞ս ասեն՝ պատերազմիր, ո՞ւմ ես սպասում, արի ինչ խոստացել ենք, կռվով վերցրու։
Որպես ՀՀ իշխանություն՝ ասում ենք, որ ձերն է, եկեք վերցրեք։
Պատերազմը, նոր հարձակումը լեգիտիմացնելու քաղաքականություն։
Ժամանակին, երբ Հրանտ Բագրատյանն ասաց՝ ես էլ լինեմ Ալիևի տեղը, կհարձակվեմ Հայաստանի վրա, իշխանությունները հիսթերիայի մեջ ընկած գոչում էին՝ ընդդիմությունը պատերազմ է հրահրում։
Հիմա Ալեն Սիմանյոնը պատերազմ չի՞ հրահրում։
Երկրի առաջին գլուխը տարբեր ամբիոններից Սյունիքի բնակավայրերն անվանում է Չայզամի, Էյվազլի, Տավուշինը՝ նույնպես։ Մյուսները թութակի պես կրկնում են շեֆի ասածները։
Քպ-ի ինկուբատորի շարքային ներկայացուցիչներից Արթուր Հովհաննիսյանն ԱԺ-ից հայկական գյուղերի անունները հայտարարում է ադրբեջանական՝ Աշաղի Ասկիպարա, Խերիմլի, Կիզիլ, Հաջիլի (լավ էլ ջանասիրաբար անգիր է արել)։
Ի՞նչ անուն տալ իշխանությունների թիմային պայքարին՝ ընդդեմ հայ ժողովրդի ու Հայաստանի ինքնիշխանության, տարածքային ամբողջականության։
Սա մի անուն ունի՝ սպասարկել թշնամու շահը և դրանից հաճույք ստանալ։
