Թուրք պաշտոնյաները համաժամանակյա աշխատում ու քարոզ են անում, մեկը՝ Անկարայում, մյուսը՝ Բաքվում։
Թուրքիան ցանկանում է, որ Ադրբեջանի և Հայաստանի միջև շարունակվող քննարկումները հանգեցնեն խաղաղության համաձայնագրի. Թուրքիայում, մամուլի ասուլիսի ժամանակ ասել է իշխող «Արդարություն և զարգացում» կուսակցության (AKP) մամուլի քարտուղար Օմեր Չելիքը։
Նա նշել է, որ եթե Հայաստանը հրաժարվի ապակառուցողական քայլերից, «3+3» համագործակցության ձևաչափը մեծ ներդրում կունենա տարածաշրջանում խաղաղության հաստատման գործում։
Մենք հավատում ենք, որ տարածաշրջանային խաղաղության և կայունության ուղին անցնում է Ադրբեջանի և Հայաստանի միջև համապարփակ խաղաղության համաձայնագրով. Ադրբեջանի, Թուրքիայի և Վրաստանի պաշտպանության նախարարների հանդիպման ժամանակ հայտարարել է Թուրքիայի ազգային պաշտպանության նախարար Յաշար Գյուլերը։
«Մենք կարծում ենք, որ տարածաշրջանային խաղաղության և կայունության ճանապարհն անցնում է համապարփակ խաղաղության համաձայնագրով, որը կստորագրվի Ադրբեջանի և Հայաստանի միջև։ Մենք նաև կարծում ենք, որ տարածաշրջանային տրանսպորտային հաղորդակցությունների բացումը կարագացնի կարգավորման և խաղաղության գործընթացը։ Թեև Հարավային Կովկասում խաղաղություն, հանգստություն և համագործակցություն հաստատելու պատմական հնարավորություն կա, մենք տեսնում ենք, որ Հայաստանը չի կարողացել պատշաճ կերպով օգտագործել այս պատմական հնարավորությունը։
Մյուս կողմից, բոլոր հարթակներում և ամեն հնարավորության դեպքում Թուրքիան իր ամուր աջակցությունն է հայտնում Վրաստանի տարածքային ամբողջականությանը։ Այս համատեքստում Թուրքիան չի ճանաչում Աբխազիայի և Հարավային Օսիայի, այսպես կոչված, անկախությունը և ցանկանում է, որ այդ վեճերը լուծվեն խաղաղ ճանապարհով՝ Վրաստանի տարածքային ամբողջականության և ինքնիշխանության շրջանակում։ Միևնույն ժամանակ, Թուրքիան աջակցում է եվրատլանտյան կառույցներին ինտեգրվելու Վրաստանի ջանքերին»,- ասել է Յաշար Գյուլերը։
