Եվրոպայի տարբեր երկրներից հայերը հասել են Բրյուսել՝ Եվոպական հանձնաժողովի նստավայր՝ Ադրբեջանի նախագահ Իլհամ Ալիևի և Եվրոպական հանձնաժողովի նախագահ Ուսուլա ֆոն դեր Լայենի նկարներով պաստառները ձեռքներին։
Նրանք դատապարտում են Երոպական հանձնաժողովի քաղաքականությունը, որը ջուր է լցնում Ալիևի ջրաղացին, ոչ միայն չի կանխում նրա հայասպան ու ցեղասպան ծրագրերը, այլև համագործակցության պայմանագրեր է կնքում նրա հետ ու աչք փակում ոճրագործի հանցանքների դեմ։
Հիշեցնենք, որ Ուսուլա ֆոն դեր Լայենը դեռևս մեկուկես տարի առաջ է հայտարարել, թե Ադրբեջանի դեմ որևէ պատժամիջոց Եվրոպան չի կիրառի, քանի որ Ալիևն իրենց վստահելի գործընկերն է, որի հետ միլիարդավոր եվրոների պայմանագրեր են կնքել։
Ադրբեջանի գազն ու նավթը կուրացրել են Եվրոպային։
Եվրոպայի հայերը պահանջում են Եվրոպական հանձնաժողովից քայլեր ձեռնարկել Ալիևին պատժելու, նրա ցեղասպան ծրագրերը կանխելու համար։
Եվրոպայի հայերն Արցախի կողքին են, նրանք պահանջում են Ուսուլա ֆոն դեր Լայենից հենց հիմա կանխել թուրք-ադրբեջանական տանդեմի հայասպան ծրագրերը։
