«Վաշինգտոն բիզնես ջոռնըլի» լրագրողներից Մայքլ Նեյբաուրը տեղեկացնում է, որ Գաֆեսճյան ընտանիքի հիմնադրամին թույլատրվել է հիմնահատակ քանդել երեք առեւտրական կառույցներ քաղաքի կենտրոնումՙ ազատելով հսկայական մի տարածք, 14-րդ փողոցի հարեւանությամբ, որտեղ ժամանակին գործել են «Կլեմենտի հրուշակեղենի», «Գրաֆիքս տատուի» (դաջվածքի) եւ «Բենսոնիսի իտալական խոհանոցի» խանութները:
Քայքայված ճանաչված եւ արդեն որոշ ժամանակ դատարկ այդ երեք շինությունները Վաշինգտոնի 14-րդ փողոցում պատմական Ազգային բանկի (Bank of Armenia) անմիջական հենքին են եւ պատկանում են Գաֆեսճյան հաստատությանը, որը այդ եւ բանկի շենքը գնել էր 2000 թվինՙ ժամանակակից արվեստի թանգարան կառուցելու մտադրությամբ:
Բացի դրանիցՙ թանգարանը կառուցվեց Հայաստանի մայրաքաղաք Երեւանում, եւ Գաֆեսճյանը պայմանականորեն համաձայնեց դրանք հանձնել Ամերիկայի հայկական համագումարին, որպեսզի Ցեղասպանության թանգարան կառուցվի այնտեղ: Պայմանըՙ մինչեւ 2010 թվականի դեկտեմբերի 31-ը ավարտել աշխատանքները: Բայց պայմանը չկատարվեց, եւ դատական քաշքշուկների առարկա դարձավ կալվածը:
Թե ի՞նչ է լինելու այդ վայրում, դեռեւս հայտնի չէ: Սակայն մի բան հստակ է, որ արդեն քանի տարի «ոչ մի առաջընթաց չի արձանագրվում այդ գործում», եզրակացնում է Նեյբաուերը:
