Ռուսաստանի հայերի միությունը եւ Համաշխարհային հայկական կոնգրեսը կազմակերպել էին համերգային ծրագիր զինվորների համար:
Օրերս ՊՆ զորամասներից մեկում տեղի ունեցավ համերգային ծրագիր, որին մասնակցում էին «Երգը բարեկամության կամուրջ» խորագիրը կրող ռուսական երգի հանրապետական երկրորդ փառատոնի մրցանակակիրները:
Ռուսաստանի հայերի միության փոխնախագահ Վլադիմիր Աղայանը նշում է, որ նման հանդիպումները շարունակական բնույթ են կրելու, եւ յուրաքաչյուրս պետք է մեծ ուշադրություն հատկացնենք բանակին, հայ զինվորին:
Միջոցառման ընթացքում Ռուսաստանի հայերի միության եւ Համաշխարհային հայկական կոնգրեսի նախագահ Արա Աբրահամյանի անունից պատվոգրեր հանձնվեցին բանակաշինության գործում ակտիվ մասնակցություն ցուցաբերած սպաներին եւ զինվորներին:
Ռուսաստանի հայերի միության եւ Համաշխարհային հայկական կոնգրեսի երիտասարդական կազմակերպությունների ասոցիացիայի նախագահ Մարիամ Մարտիրոսյանն իր հերթին ավելացրեց, որ բանակի հետ համագործակցության հիմքը դրվել է դեռ տարիներ առաջ, որի շրջանակում իրականացվել են տարբեր միջոցառումներ, մասնավորապես` զորամասերի գրադարանների վերազինում, սենյակների կահավորում, կինոդիտումներ, քննարկումներ եւ այլն. «Այս տարի պատրաստվում ենք իրականացել «Մեկ օր հայկական բանակում» ծրագրերի շարքը, որը ենթադրում է երիտասարդների այց զորամասերՙ ծանոթանալու հայ զինվորի առօրյային, ինչպես նաեւ մշակութային միջոցառումների կազմակերպում»:
Ռուսաստանի հայերի միությունը միշտ նմանատիպ միջոցառումներ կազմակերպել է ինչպես հայկական, այնպես էլ ռուսական բանակի համար:
