Շվեդիայի խորհրդարանի պաշտպանության կոմիտեն հնարավոր է համարում, որ Ռուսաստանը կարող է ռազմական հարձակում գործել երկրի վրա, նույնիսկ եթե ռուսական ցամաքային զորքերը ներգրավված են Ուկրաինայի դեմ պատերազմում:
Շվեդիայի խորհրդարանի պաշտպանության կոմիտեի զեկույցում ասվում է, որ Շվեդիայի վրա ռուսական ռազմական հարձակումը չի բացառվում, հաղորդում է SVT հեռուստալիքը։
Շվեդիան փորձում է ամրապնդել իր պաշտպանությունը եւ ՆԱՏՕ-ին անդամակցելու հայտ է ներկայացրել 2022 թվականին՝ Ուկրաինա Ռուսաստանի լայնածավալ ներխուժումից հետո։
ՆԱՏՕ-ի անդամ երկրների շարքում միայն Թուրքիան եւ Հունգարիան դեռ չեն վավերացրել դաշինքին Շվեդիայի անդամակցության հայտը:
«Շվեդիայի դեմ ռազմաօդային ուժերի, ռազմածովային ուժերի, հեռահար գործողության կամ միջուկային զենքի օգտագործմամբ գործողություններ իրականացնելու Ռուսաստանի կարողությունը մնում է անփոփոխ»,-հաղորդում է SVT-ն՝ վկայակոչելով զեկույցը:
Շվեդիայի խորհրդարանի պաշտպանության կոմիտեի նախագահը չի պատասխանել Reuters-ի մեկնաբանության խնդրանքին:
SVT-ն հայտնել է, որ զեկույցում շարադրված է Շվեդիայի նոր պաշտպանական դոկտրինը, որը հիմնված է ՆԱՏՕ-ին անդամակցության վրա, այլ ոչ թե նախկին դոկտրինի վրա, որը հիմնված էր Հյուսիսային Եվրոպայի եւ ԵՄ-ի հետ համագործակցության վրա:
