Ադրբեջանի ՊՆ-ն հերքել է ՀՀ ՊՆ հաղորդագրությունն այն մասին, որ հունիսի 19-ին, ժամը 00:45-ից մինչև 02:20-ը, ադրբեջանական զինուժի ստորաբաժանումները տարբեր տրամաչափի հրաձգային զինատեսակներից կրակ են բացել սահմանի արևելյան (Սոթք) և հարավարևմտյան (Երասխ) ուղղություններով տեղակայված հայկական դիրքերի վրա։
Ինչպես միշտ, Ադրբեջանի ՊՆ-ն ոչ միայն ստել է՝ հերքելով ակնհայտը, այլև Հայաստանի ՊՆ հաղորդագրությունն անվանել է «բացարձակ սուտ և իրականությանը չհամապատասխանող» և հավելել, որ իրենք «կտրականապես հերքում են այս տեղեկությունը»։
