Փաստաբան Կարեն Ալավերդյանը Ոստիկանության կենտրոնական բաժնում բռնության է ենթարկվել ոստիկանների և պարեկների կողմից, նաև ձերբակալվել։
Դեպքի մասին հաղորդում է տարածվել երեկ, իսկ այսօր փաստաբանը եղելությունը պատմել է լրագրողներին ու գործընկեր փաստաբաններին։
Կարեն Ալավերդյանը մասնագիտական պարտականությունները կատարելու համար հունիսի 12-ին գտնվել է Ոստիկանության Կենտրոնական բաժնում, որտեղ լսել է, որ դռան հետևում իր պաշտպանյալը պահանջում է ոստիկաններից իրեն չծեծել։ Ներս է մտել ու տեսել, որ 5-6 ոստիկան իր պաշտպանյալին, որի ձեռքերին ձեռնաշղթա է հագցրած եղել, գետնին գցած՝ ծեծում են։ Փաստաբանը մոտեցել է, պաշտպանյալին բարձրացրել ու ձեռքերը տարածել, որ ոստիկաններն այլևս չհարվածեն նրան։
Դրանից հետո ոստիկանները փաստաբանին ձեռնաշղթա են հագցրել, երեսին արցունքաբեր գազ փչել ու սկսել ծեծել։
Մանրամասները՝ տեսանյութում.
