Սույնով հայտնում ենք, որ «Թեղուտ» փակ բաժնետիրական ընկերությունը (այսուհետՙ Ընկերություն) 2014թ. ապրիլի 30ին, ժամը 18:00-ին ՀՀ Լոռու մարզի Շնող գյուղի մշակույթի տան դահլիճում կազմակերպում է հերթական հանդիպումը Թեղուտի լեռնահարստացուցիչ կոմբինատի շինարարության եւ պղինձ-մոլիբդենային հանքավայրի շահագործման ծրագրի (այսուհետՙ Ծրագիր) իրականացման հարցերով շահագրգիռ հանրության ներկայացուցիչների (այսուհետՙ Շահառուներ) հետ: Հանդիպմանը հրավիրվում են մասնակցելու ազդակիր համայնքների ղեկավարները եւ համայնքների ազգաբնակչության այլ ներկայացուցիչներ, Ընկերության աշխատողներ: Հանդիպումն անցկացվելու է բաց ձեւաչափով, եւ դրան կարող են մասնակցել նաեւ Շահառուների այլ խմբերի ներկայացուցիչներ:
Հանդիպման օրակարգում հետեւյալ հարցերն ենՙ
Ազդակիր համայնքներում գյուղատնտեսության զարգացմանը Ընկերության աջակցության առավել արդյունավետ ճանապարհներն ու եղանակները
Ազդակիր համայնքների ազգաբնակչության համար կենդանի հիշատակի առարկա հանդիսացող, իրավական կարգավիճակ չունեցող հուշարձանների պահպանության եւ բարեկարգման ուղղությամբ Ընկերության ծրագրած միջոցառումները
Ազդակիր համայնքներում բնապահպանական եւ սոցիալ-առողջապահական իրադրության բարելավման ուղղությամբ Ընկերության ծրագրած միջոցառումները
Այլ հարցեր:
Ընկերությանՙ Երեւան, Խանջյան 19 հասցեով եւ Լոռու մարզի Թեղուտ գյուղում գտնվող գրասենյակներում, Լոռու մարզի Ալավերդի քաղաքի քաղաքապետարանում, Թեղուտ եւ Շնող գյուղերի գյուղապետարաններում 2014թ. ապրիլի 16-ից 2014թ. մայիսի 15-ը կբացվեն գրանցամատյաններ, որոնցում շահառուները կարող են գրառել մեկնաբանություններ, առաջարկություններ, նկատառումներ եւ այլ հաղորդագրություններՙ հանդիպման օրակարգում ներառված հարցերի վերաբերյալ: Օրակարգում ներառված հարցերի վերաբերյալ հաղորդագրություններ այդ ժամանակահատվածում կարող եք ուղարկել նաեւ էլ. փոստովՙ pr@vallex.com հասցեով:
Ընկերությունն ակնկալում է շահառուների ակտիվ եւ կառուցողական մասնակցություն:
