Թուրքիայի արտաքին գործերի նախարարություն են կանչվել 9 երկրների, այդ թվում՝ Ստամբուլում իրենց հյուպատոսությունները փակած դեսպանները. հայտնում է TRT Haber պետական հեռուստաալիքը։
Ավելի վաղ Ստամբուլում Շվեդիայի, Նիդեռլանդների, Մեծ Բրիտանիայի, Ֆրանսիայի, Շվեյցարիայի և Գերմանիայի գլխավոր հյուպատոսությունները հայտնել էին, որ դադարեցրել են այցելուներ ընդունել քաղաքի կենտրոնում ահաբեկչական հարձակումների սպառնալիքի պատճառով։
Ռուսաստանի Դաշնության հյուպատոսությունից հայտնել են, որ իրենք շարունակում են աշխատել սովորական ռեժիմով։ Թուրքիայի ներքին գործերի նախարար Սուլեյման Սոյլուն մի շարք եվրոպական երկրների կողմից Ստամբուլում իրենց հյուպատոսությունների փակումն այսօր անվանել է ահաբեկչական հարձակումների սպառնալիքի մասին ԱՄՆ-ի հայտարարությունների ֆոնին որպես «հոգեբանական պատերազմ»՝ երկրի դեմ։
«Վերջին լուրերը. 9 երկրների դեսպաններ, այդ թվում՝ այն երկրների, որոնք փակել են իրենց հյուպատոսությունները, կանչվել են Թուրքիայի արտաքին գործերի նախարարություն»,- հաղորդում է հեռուստաալիքը։
Վեց եվրոպական երկրներ արդեն փակել են իրենց հյուպատոսությունները Ստամբուլում։ Հեռուստաալիքը չի ճշտել՝ որոնք են մյուս երեք պետությունների դեսպանների տվյալները։
