Այսօր ռուս խաղաղապահների ուղեկցությամբ Բերձորի ճանապարհով բեռնատարներով հումանիտար օգնություն է տեղափոխվել Արցախ։
Արդեն 3 օր է՝ լուրեր են պտտվում, թե ռուս խաղաղապահների ուղեկցությամբ կարող են Բերձորի միջանցքով Արցախ գնալ նաև քաղաքացիներ, սակայն արցախցի ոստիկանները մարդկանց մուտքն արգելում են՝ պատճառաբանելով, թե չեն կարող ապահովել նրանց անվտանգությունը։
Պաշտոնական տեղեկություն կամ այս լուրը հավաստող տեսանյութ, հայտարարություն, խոսք չկա։ Հայկական կողմից որևէ տեսանկարահանում, լրագրողական գործունեություն Բերձորի միջանցքի փակման օրվանից անհայտ պատճառով տեղի չի ունենում։
Մենք բազմիցս ենք տեսել, որ նույն վայրում նկարահանումներ են անում ադրբեջանական լրատվամիջոցները. շարքային ադրբեջանցուց մինչև հատուկ ծառայությունների աշխատակից՝ կարող է գնալ Բերձորի միջանցք ու այնտեղ ցույց անել, ելույթ ունենալ, սելֆի անել, ջութակ նվագել։
Ի՞նչ սցենար է մշակված, ի՞նչ խաղեր են խաղում. Հայաստանի իշխանությունները հայտարում են, թե ռուս խաղաղապահները դե ֆակտո իրենց պարտականությունները չեն կատարում, Արցախից տեղեկություններ են տարածվում, թե հումանիտար ճգնաժամի մեջ են, ռուս պաշտոնյաները հակադարձում են Հայաստանի իշխանություններին, թե ռուս խաղաղապահները լիարժեք կատարում են իրենց առաքելությունը, Արարատ Միրզոյանը չի մասնակցում մոսկովյան եռակողմ հանդիպմանը՝ պատճառաբանելով, թե երկրի համար կարևոր խնդիրներ կան՝ Բերձորի միջանցքը փակ է։ Բայց հենց այսօր Միրզոյանը հեռախոսազրույց է ունեցել Արևմուտքի ներկայացուցիչների՝ ԵԱՀԿ Մինսկի խմբի ԱՄՆ համանախագահ, Կովկասյան բանակցությունների հարցերով ավագ խորհրդական Ֆիլիպ Ռիքերի և Ֆրանսիայի համանախագահ Բրիս Ռոքֆոյի հետ։
Փաստացի մի բան պարզ է՝ ռուս խաղաղապահների գործունեության, Արցախի ոստիկանության դիրքորոշման, Բերձորի միջանցքով քաղաքացիների ելումուտի հնարավորության մասին տեղեկությունները հակասական են ու անմաքուր։
Օդում է զգացվում, որ դավեր են նյութում։
⚡⚡⚡ Фактически 10 дней армянскую общественности обманывали тем, что гуманитарная помощь не доходит до Степанакерта. Пропаганда организованная пиарщиками Никола Пашиняна и Рубика Варданяна на этот раз прокололась. В сопровождении российских миротворцев колонна с гуманитарной помощью дошла до столицы Арцаха. Посмотрим какие заявления будут делать после этого пашиняновские чиновники и как будет страдать Рубик Варданян в эфирах, который будет проводить до понедельника. @yerevan_speaks
Posted by Bagrat Movsesyan on Friday, December 23, 2022
