Կաշառակերության եւ փողերի լվացման հանցանքների մեջ մեղադրված Իտալիայի խորհրդարանի նախկին պատգամավոր Լուկա Վոլոնտեի դատական լսումները կայանալու են ապրիլին, տեղեկացնում է Politico.eu լրատվամիջոցը:
Դատախազները պնդում են, որ Վոլոնտեն ադրբեջանական իշխանություններից 2,4 միլիոն եվրո կաշառք է ստացել, որպեսզի պաշտպանի Եվրոխորհրդում Ադրբեջանի շահերը: Այդ փուլային վճարումները նրան կատարելու մեջ կասկածվում է նույն կառույցում Ադրբեջանի պատվիրակության ղեկավար Էլխան Սուլեյմանովը, ով լրագրողի հարցերին հրաժարվել է պատասխանել:
Իտալիայի քրիստոնյա-դեմոկրատական կուսակցությունից նախկին պատգամավորի դեմ դատական հայցը ներկայացված էր անցյալ տարվա փետրվարին:
