Թեհրան մեկնած ՀՀ վարչապետ Նիկոլ Փաշինյանը երեքշաբթի Թեհրանի «Սադաբադ» համալիրում մասնակցել է Իրանի նախագահ Էբրահիմ Ռաիսիի հետ համատեղ մամուլի ասուլիսին. գրում է mehrnews.com-ը։
Հայաստանի վարչապետի այցն Իրանի Իսլամական Հանրապետություն, անկասկած, բեկումնային կլինի երկու երկրների զարգացման գործում. մամուլի ասուլիսում ասել է Իրանի նախագահը։ Ռաիսին նշել է, որ բարիդրացիական վերաբերմունքն Իրանի կառավարության ընդգծված քաղաքականություններից մեկն է, և այսպիսի հանդիպումներն ուղղված են լինելու Իրանի և Հայաստանի միջև տնտեսական, առևտրային և անվտանգային հարաբերությունների զարգացմանը։
Ռաիսին նաև ընդգծել է, որ տարածաշրջանային խնդիրները պետք է լուծեն տարածաշրջանային դերակատարները։ Նա հայտարարել է.
«Տարածաշրջանում օտարների կողմից ցանկացած միջամտություն խնդրի լուծման փոխարեն խնդիրներ կստեղծի»։
