Կառավարությունում ոչ ոք աճպարարությամբ չի զբաղվում. լրագրողների հետ ճեպազրույցում ասել է Ֆինանսների նախարար Տիգրան Խաչատրյանը։
«Աշխատավարձերը գրեթե երկու անգամ ավելի շատ կբարձրանան, քան պարևավճարներն են դարձել աշխատավարձ»,- տեղեկացրել է նախարարը։
Նա հայտնել է, որ Կառավարությունը 2023-ի հունվարի 1-ից նվազագույն աշխատավարձը բարձրացնելու մասին օրենքի նախագիծ է բերել ԱԺ, դրան համապատասխան կավելանա նաև բազային աշխատավարձը, հետևաբար հանրային հատվածում պետական աշխատողների աշխատավարձերը որոշակի համամասնությամբ կբարձրանան։
2023 թվականի բյուջեի նախագծում 25 մլրդ դրամով նվազեցվել են պետական ապարատի պարգևատրումները, բայց աշխատավարձը աճել է 25 մլրդ դրամով:
«Ստանալու են ավելի շատ, քան առաջ են ստացել, և նախկինում ստացածի մի մասը, որ կոչվում էր պարգևավճար, այսուհետ կկոչվի աշխատավարձ: Եթե առաջ պետական ծառայողների պարգևավճարները կազմում էին աշխատավարձի ֆոնդի 30 տոկոսը, ապա հաջորդ տարի կկազմի 16 տոկոսը»,-ասաց նախարարը։
