Ադրբեջանի ամենապարադոքսալ գործողությունը 1919-1920 թվականների քարտեզներին հղումն է։ Այս մասին NEWS.am-ին տված հարցազրույցում ասաց Արցախի նախկին արտգործնախարար Կարեն Միրզոյանը։
«Նրանք բացել են Պանդորայի արկղը, քանի որ շատ հետաքրքիր զարգացումներ կարող են լինել տարածաշրջանում՝ այդ գործընթացում ներառելով ոչ միայն Հայաստանն ու Ադրբեջանը»,-հավելեց նա։
Միրզոյանը նշեց, որ կան 1919-1920 թվականների քարտեզներ, որոնց վրա Հայաստանի սահմանները հասնում են մինչեւ Սեւ ծով։
«Այն ժամանակվա Հայաստանը շատ ավելի մեծ էր, քան հիմա։ Իսկ այն ժամանակվա ադրբեջանական քարտեզները, որոնց մասին խոսում են, թղթի վրա գծված ինչ-որ քարտեզներ են»,- ընդգծեց Արցախի նախկին արտգործնախարարը։
Հիշեցնենք, որ Ադրբեջանը ցանկանում է սահմանազատել եւ սահմանագծել Հայաստանի հետ սահմանը 1919-1920 թվականների քարտեզներով։
Աղբյուրը՝ NEWS.am
