«Ակօս» թերթի հաղորդմամբ Ստամբուլի հայոց պատրիարքարանը դեմ է արտահայտվել Սանասարյան պանդոկը հինգ աստղանի հյուրանոցի վերածելու եւ այն առաջիկա 35 տարիների համար վարձակալության տալու վերաբերյալ իշխանությունների կողմից տենդեր հայտարարելուն:
Ստամբուլի Սիրքեջի շրջանում գտնվող Սանասարյան պանդոկը նմանատիպ ամենահին հայկական հաստատությունն է, որը կառուցվել է 1881-ին Մկրտիչ աղա Սանասարյանի նյութական միջոցներով, որպեսզի կարելի լինի հոգալ Էրզրումի Սանասարյան վարժարանի հոգսերը: Պանդոկը նախկինում Օսմանյան կառավարությունն է խլել հայերից, այնուհետեւ պատրիարքարանին է հանձնվել 1920-ին, որից հետո թուրքական իշխանությունները առգրավել են այն 1928-ին: Պատրիարքարանը 2014-ին հայց է ներկայացրել դատական իշխանություններին շենքը համայնքին վերադարձնելու պահանջով: Երկար պայքարից հետո անցյալ տարի վճռաբեկ դատարանը սեփականության իրավունքի վավերագիրը փոխանցել է «Հաստատությունների գլխավոր վարչության»: Այս անգամ պատրիարքարանի փաստաբանՙ Ալի Էլբեսօղլուն սահմանադրական դատարան է դիմել եւ իրավական բողոք ներկայացրել Անկարայում գործող վարչական մի դատարանի, որպեսզի վարչությունից գանձի բոլոր եկամուտները: Այս անգամ գործը հաջողությամբ է պսակվել բարեբախտաբար եւ շենքի սեփականության իրավունքը վերադարձվել է Կոնստանդնուպոլսու հայոց պատրիարքարանին:
Նկար 1. Ստաբուլի Սանասարյան պանդոկը:
