Day:Սեպտեմբերի 2, 2021

Հանրապետության տարածքում սեպտեմբերի 2-ի երեկոյան ժամերին, 3-ին առանձին շրջաններում սպասվում է անձրև և ամպրոպ, առանձին հատվածներում հնարավոր է նաև կարկուտ:

Քամին հյուսիսարևմտյան՝ 5-10 մ/վ, ամպրոպի ժամանակ սպասվում է քամու ուժգնացում` 18-23 մ/վ արագությամբ։

Օդի ջերմաստիճանը սեպտեմբերի 3-4-ն աստիճանաբար կնվազի 9-11 աստիճանով:

Երեւանում սեպտեմբերի 2-ի ցերեկը, 3-7-ին սպասվում է առանց տեղումների եղանակ:

Առաջիկա գիշերը մայրաքաղաքում կլինի +17+19, վաղը ցերեկը՝ +29+31։

Օդի ջերմաստիճանը մարզերում՝

Շիրակում գիշերը՝ +7+12, ցերեկը՝ +18+23,

Կոտայքի լեռներում գիշերը՝ +7+12, ցերեկը՝ +18+23,

Կոտայքի նախալեռներում գիշերը՝ +16+18, ցերեկը՝ +26+30,

Սեւանա լճի ավազանում գիշերը՝ +7+12, ցերեկը՝ +18+23,

Լոռիում գիշերը՝ +8+13, ցերեկը՝ +20+25,

Տավուշում գիշերը՝ +13+18, ցերեկը՝ +22+27,

Արագածոտնի լեռներում գիշերը՝ +7+12, ցերեկը՝ +18+23,

Արագածոտնի նախալեռներում գիշերը՝ +16+18, ցերեկը՝ +27+30,

Արարատում գիշերը՝ +13+18, ցերեկը՝ +30+32,

Արմավիրում գիշերը՝ +13+18, ցերեկը՝ +30+32,

Վայոց ձորի լեռներում գիշերը՝ +7+12, ցերեկը՝ +18+23,

Վայոց ձորի նախալեռներում գիշերը՝ +13+18, ցերեկը՝ +30+32,

Սյունիքի հովիտներում գիշերը՝ +15+20, ցերեկը՝ +27+31,

Սյունիքի նախալեռներում գիշերը՝ +8+13, ցերեկը՝ +22+27,

Արցախում գիշերը՝ +15+20, ցերեկը՝ +27+31։

«Վերածնվող Հայաստան» կուսակցության նախագահ Վահե Հակոբյանը ուղերձով է հանդես եկել Արցախի Հանրապետության հռչակման 30-ամյակի կապակցությամբ։

Ուղերձում ասվում է․

«30 տարի առաջ այս օրը՝ սեպտեմբերի 2-ին, Ստեփանակերտում տեղի ունեցած պատգամավորների մարզային և Շահումյանի շրջանային խորհրդի համատեղ նստաշրջանում որոշում կայացվեց Արցախի Հանրապետության հռչակման մասին։ Երեք ամիս անց՝ 1991-ի դեկտեմբերի 10-ին, արցախահայությունը հանրաքվեով ամրագրեց անկախ պետություն ունենալու իր իրավունքը։ Արցախի Հանրապետության անկախության հռչակագիրն ընդունվեց 1992-ի հունվարի 8-ին՝ Գերագույն խորհրդի առաջին նստաշրջանի ընթացքում։

1991-ի սեպտեմբերի 2-ից արցախահայությունը լծվեց պետականաշինության բարդ ու երկարատև գործընթացին, որը, ցավոք, չտրվեց առանց անդառնալի կորուստների։ Բնականաբար, այս ճանապարհին եղել են նաև թերացումներ ու բացթողումներ, բայց այս ամենի հետ մեկտեղ քայլ առ քայլ ամրապնդվում և շոշափելի էր դառնում անկախ Արցախ ունենալու մեր բոլորի երազանքը։ Երազանք, որի կյանքի կոչման գործում շատ բան փոխվեց անցնող երեք տարվա ընթացքում։

Վերջին տարիների փորձը ցույց տվեց, որ մեր արժեքներին, միասնականությանը, մեր բանակին ու անվտանգությանը, մեր արտաքին քաղաքականությանն ու դիվանագիտությանը հասցված յուրաքանչյուր հարված ճակատագրական գին ունի մեզ համար։ Վերջին տարիների փորձը ծանր դաս պիտի լինի մեր բոլորի ու գալիք սերունդների համար։

Հավերժ երախտապարտ կլինենք Արցախի անկախության համար զոհված մեր հայորդիներին, մեր խոնարհումը նրանց ու նրանց ընտանիքներին։

Այսօր՝ Արցախի Հանրապետության հռչակումից 30 տարի անց, մենք բոլորս կանգնած ենք մեծագույն փորձությունների ու մարտահրավերների առաջ։ Մեզ բոլորիս՝ խոհեմություն, տոկունություն ու վճռականություն։

Արցախահայության՝ սեփական հողում ազատ, անկախ ապրելու իրավունքն այլընտրանք չունի։

Շնորհավո՜ր Արցախի Հանրապետության օրը»։