Day:Օգոստոսի 7, 2021

Արցախի հարցերով մշտական հանձնաժողովը, կարծում եմ, առաջին հերթին անհրաժեշտ էր հենց իշխող ուժին, ավելի կոնկրետ՝ վարչապետին։ Այս մասին ֆեյսբուքյան իր էջում գրել է սահմանադրագետ Գևորգ Դանիելյանը:

«Քաղաքական մեծամասնությունը, կարծում եմ, պետք է հեռատես լիներ և համարժեք ընկալեր այն, որ ոչ մի պարագայում չի կարելի ներկայիս բարդ ու հակասական արտաքին հարաբերություններում գործադիր իշխանության գլխին թողնել միայնակ, պարզ ասեմ՝ առանց մանևրելու չնչին հնարավորության, հակառակ պարագայում հնարավոր և իրական ճնշումները դառնում են խիստ առարկայական՝ զրկելով վերջինիս ներքին սահմանադրաիրավական ընթացակարգերի վրա հղում անելու որևէ հնարավորությունից։ Գործում է «Դուք մեծամասնության մանդատ ունեք, ուստի համարձակ կարող եք ցանկացած ցավոտ հարց ինքնուրույն լուծել՝ առանց խորհրդարանի կամ որևէ այլ պետական կառույցի, նույնիսկ հանրաքվեի միջամտության» սկզբունքը։

Մեծամասնության հակափաստարկները, մեղմ ասած, համոզիչ չէին, քանզի Արցախի հարցերով բազում օրենսդրական դեռևս չկարգավորված խնդիրներ կան (օրենսդրութամբ անգամ հստակ կանոնակարգված չէ արցախցիների քաղաքացիության խնդիրը, իսկ «աշխատանքային» լուծումները արժեք չունեն), այդ ոլորտում գործադիր֊կարգադրիչ մարմինների նկատմամբ անխուսափելի խորհրդարանական վերահսկողությունը չի կարող մասնատվել ու փոշիացվել, վերջապես չի գործում Արցախի իրավական կարգավիճակի հստակեցման համապարփակ հայեցակարգ։

Հ.Գ. Մոտ տաս տարի առաջ Եվրամիության անդամ պետությունների գլուխները «սիրահոժար» ստորագրեցին՝ հավանություն տալով Եվրամիության Սահմանադրության նախագծին, սակայն նույն այդ երկրներում իրականացված հանրաքվեներում նախագծին կողմ քվեարկեց ընդամենը 2-3 տոկոսը»,- գրել է Դանիելյանը:

Ճիշտ եք անում, որ պատռում եք Անդրեի նկարով պոստեռը, որովհետև ինքը Ադրբեջանի սև ցուցակում է՝ «Սարի աղջիկ» երգի «համար»: Այս մասին ֆեյսբուքյան իր էջում գրել է իրավաբան Ռոբերտ Հայրապետյանը:

«Ճիշտ եք անում նաև էն պարզ պատճառով, որ պատերազմի ժամանակ հասավ Հայաստան ու թիկունքին ահռելի օգնություն բերեց: Հա, ու ի վերջո ոնց կարելիա հանդուրժել մի մարդու պոստեռ, ով Արցախի հանձնումից հետո կատեգորիկ վարքագիծ ունի Նիկոլ-Արայիկ դավաճանական տանդեմի հանդեպ ու նպատակ ուներ ոգեկոչման երեկո անել Արցախում:

Հեսա Նիկոլը կգա, ծափ կտաք… »,- գրել է Հայրապետյանը:

Հանրապետության տարածքում oգոստոսի 7-ի կեսօրից հետո առանձին շրջաններում սպասվում է անձրև և ամպրոպ, առանձին հատվածներում հնարավոր է նաև կարկուտ։

Քամին՝ հարավ-արևմտյան՝ 5-10 մ/վ, ամպրոպի ժամանակ սպասվում է քամու ուժգնացում` 15-20 մ/վ արագությամբ։

Օդի ջերմաստիճանն էապես չի փոխվի։

ԵՊՀ Ռազմավարական հետազոտությունների կենտրոնի ղեկավար, դասախոս Ալվինա Աղաբաբյանը լուսանկարներ և տեսանյութ է հրապարակել Արցախից, որից տեղեկանում ենք, որ մի խումբ արցախցիներ պատռել են Անդրեյի՝ օգոստոսի 8-ին Ստեփանակերտում կայանալիք համերգի պաստառները՝ նշելով. «Երբ որ երեխուս կտան, էն ժամանակ էլ թող գան, կանցեռտ տան…»:

Վեց երկրի, այդ թվում՝ Հայաստանի շուրջ 800 զինծառայող կմասնակցի Հավաքական անվտանգության պայմանագրի կազմակերպության խաղաղապահ ուժերի «Անխախտ եղբայրություն-2021» զորավարժություններին, որոնք կանցկացվեն նոյեմբերին Կազանում: Այդ մասին հաղորդել է «ՌԻԱ Նովոստի»-ն՝ վկայակոչելով ՌԴ Կենտրոնական ռազմական շրջանի մամուլի ծառայությունը:

Վերջինիս համաձայն՝ Կազանի բարձրագույն տանկային հրամանատարական դպրոցում ավարտվել են Հավաքական անվտանգության պայմանագրի կազմակերպության մասնակից երկրների ներկայացուցիչների շտաբային վերջին բանակցությունները ՀԱՊԿ խաղաղապահ ուժերի «Անխախտ եղբայրություն-2021» համատեղ զորավարժությանը նախապատրաստման շրջանակներում, որը կանցկացվի նոյեմբերին ռազմական բուհի ուսումնական զորավարժարանում:

«Հայաստանի, Բելառուսի, Ղազախստանի, Ղրղզստանի, Ռուսաստանի և Տաջիկստանի ռազմական պատվիրակությունները նախօրեին պրակտիկ գործողությունների վայրի հետախուզություն անցկացրեցին, որոշեցին զորավարժություններին մասնակցող ուժերի եւ միջոցների կազմը: Այսպիսով, համատեղ պրակտիկ գործողություններին կմասնակցի ընդհանուր մոտ 800 զինծառայող»,- ասված է հաղորդագրության մեջ:

Զորավարժություններին կներգրավվի նաև Ռուսաստանի զինված ուժերի 90 միավոր տեխնիկա, այդ թվում՝ երկու «Մի-24» և «Մի-8» ուղղաթիռ, «Սու-24ՄՌ» և «Սու-34» ինքնաթիռներ: Զորավարժություններին կմասնակցեն նաև ՀԱՊԿ անդամ երկրների այլ նախարարությունների ու գերատեսչությունների ներկայացուցիչներ:

Բանակցությունների արդյունքում հաստատվել է նաև զորքերի պրակտիկ գործողությունների պլանը. մշակվել են որոշումներ համապարփակ աջակցության և կորոնավիրուսի տարածումը կանխելու պահանջներին համապատասխանության վերաբերյալ:

Իմ խիղճը թելադրում է՝ չհամակերպվել այն իրավիճակին, որը գոյություն ունի. Ազգային ժողովում հայտարարեց նորընտիր փոխնախագահ Իշխան Սաղաթելյանը: 

Հիշեցնենք՝ Ազգային ժողովը երրորդ փորձից հետո  այսօր ԱԺ փոխնախագահ ընտրեց «Հայաստան» խմբակցության պատգամավոր, ՀՅԴ Հայաստանի Գերագույն մարմնի ներկայացուցիչ Իշխան Սաղաթելյանին:

107 պատգամավորից քվեարկությանը մասնակցել էր 103 պատգամավոր, իսկ ձայները բաշխվել էին հետևյալ կերպ. 64 կողմ, 37 դեմ, 2 քվեաթերթիկ ճանաչվել է անվավեր:  

Ստորև ներկայացնում ենք Իշխան Սաղաթելյանի խոսքը՝ ԱԺ փոխնախագահ ընտրվելու առիթով.