Day:Հունվարի 9, 2021

Իրանը փետրվարի 21-ին կվտարի ՄԱԳԱՏԷ-ի տեսուչներին, եթե մինչ այդ օրը պատժամիջոցները չվերացվեն: Այս մասին հայտարարել է Իրանի խորհրդարանի խորհրդի անդամ Ահմադ Ամիրաբադին, փոխանցում է Mehr-ը:

«Եթե Իրանի Իսլամական Հանրապետության դեմ պատժամիջոցները մինչեւ փետրվարի 21-ը չվերացվեն, հատկապես` ֆինանսական, բանկային եւ նավթային ոլորտներում, մենք անպայման կվտարենք  երկրից Ատոմային էներգիայի միջազգային գործակալության տեսուչներին»,- ասել է Ահմադ Ամիրաբադին:

Ըստ նրա` Իրանը նաեւ անպայմանորեն կդադարեցնի Լրացուցիչ արձանագրության կամավոր իրականացումը: «Դա Իրանի խորհրդարանի օրենքն է, եւ կառավարությունը պարտավոր է կատարել այն»,- հավելել է նա:

«Մենք ամերիկացիներին հնարավորություն ենք տվել, եւ ԱՄՆ նոր վարչակազմը պաշտոնը կստանձնի հունվարի 21-ին»,- ասել է Ամիրաբադին: «Նրանք մինչեւ փետրվարի 21-ը ժամանակ ունեն` պատժամիջոցները վերացնելու ուղղությամբ միջոցներ ձեռնարկելու համար, հակառակ դեպքում Իրանի Իսլամական Հանրապետությունը կպաշտպանի իր ժողովրդի շահերը: Մենք որեւէ հիմք չենք տեսնում մեր պարտավորությունները կատարելու համար, քանի դեռ պատժամիջոցները չեն վերացվել: Իհարկե, առանց պատժամիջոցների չեղարկման պարտավորությունների կատարումը վնասում է Իրանի ժողովրդին, եւ մինչ այժմ Իրանի ժողովուրդը տուժել է դրանից, իսկ ամերիկացիներն ու եվրոպացիները ոչ մի վնաս չեն կրել»,- ասել է նա:

News.am

Հանրապետության տարածքում հունվարի 9-ի ցերեկը, 10-13-ը սպասվում է առանց տեղումների եղանակ։ Հունվարի 14-ի ցերեկը շրջանների զգալի մասում սպասվում են տեղումներ։ Արարատյան դաշտում, Արագածոտնի, Կոտայքի և Վայոց ձորի մարզերի նախալեռներում սպասվում է ամպամածություն և մառախուղ։

Քամին՝ հարավային՝ 2-5 մ/վ:

Օդի ջերմաստիճանը հունվարի 10-13-ն աստիճանաբար կբարձանա 4-6 աստիճանով:

NEWS.am-ին «Հայպետհիդրոմետ»-ից տեղեկացրին, որ Երեւանում հունվարի 9-ի ցերեկը, 10-13-ը սպասվում է ամպամածություն և մառախուղ։ Հունվարի 14-ի երեկոյան ժամերին սպասվում է ձյուն:

Հաջորդ գիշերը մայրաքաղաքում կլինի -8 -10 , վաղը ցերեկը`-5 -7 ցուրտ:

Օդի ջերմաստիճանը մարզերում՝

Շիրակում գիշերը` -12 -17, ցերեկը` 0 -5

Կոտայքի լեռներում գիշերը`-10 -15, ցերեկը` -2 +3

Կոտայքի նախալեռներում գիշերը՝ -10 -12, ցերեկը՝ -6 -9

Սեւանա լճի ավազանում գիշերը` -8 -13, ցերեկը` 0 +5

Լոռիում գիշերը՝ 0-3, ցերեկը՝ +10 +15

Տավուշում գիշերը` +2 +7, ցերեկը՝ +12 +17

Արագածոտնի լեռներում գիշերը՝ -9 -14, ցերեկը` -2 +2

Արագածոտնի նախալեռներում գիշերը՝ -10 -12, ցերեկը՝ -6 -9

Արարատում գիշերը` -8 -10, ցերեկը` -5 -8

Արմավիրում գիշերը` -8 -10, ցերեկը` -5 -8

Վայոց ձորի լեռներում գիշերը՝ -8 -12, ցերեկը՝ 0 +4

Վայոց Ձորի նախալեռներում գիշերը` -8 -10, ցերեկը` -5 -8

Սյունիքի հովիտներում գիշերը` -2 -5, ցերեկը` +15 +19

Սյունիքի նախալեռներում գիշերը՝ -3 -8, ցերեկը՝ +12 +16

Լեռնային Ղարաբաղում գիշերը` 0 +5, ցերեկը` +17 +20:

ՀՀ ԱԳՆ-ն հանդես է եկել հայտարարությամբ՝ Ադրբեջանի կողմից եռակողմ հայտարարության և միջազգային հումանիտար իրավունքի խախտումների վերաբերյալ:

Հայտարարությունում ասվում է. «Խստորեն դատապարտում ենք հայ ռազմագերիների հանդեպ Ադրբեջանի կողմից քրեական հետապնդման նախաձեռնումը, ինչի մասին հայտարարել է եկել Ադրբեջանի ԱԳ նախարարը: Ադրբեջանի իշխանությունների այս գործողությունները միջազգային հումանիտար իրավունքի կոպիտ խախտում են: Արցախի հանդեպ 44-օրյա թուրք-ադրբեջանական ագրեսիայի ընթացքում ադրբեջանական կողմն իրականացրել է միջազգային իրավունքի լայնածավալ և համակարգված խախտումներ, որոնց զգալի մասը պատերազմական հանցագործություններ են: Այդ պատերազմական հանցագործությունները վաղեմության ժամկետ չունեն, և դրանց իրականացնողները պետք է ենթարկվեն պատասխանատվության:

Ռազմագերիների ազատ արձակման և հայրենադարձման պահանջը հստակորեն ամրագրված է նոյեմբերի 9-ի եռակողմ հայտարարության մեջ, և եռակողմ հայտարարության ընդունումից հետո ռազմագերիների հանդեպ քրեական հետապնդումը հանդիսանում է հայտարարության կոպիտ խախտում:

Հարկ է նշել, որ հայ զինծառայողներն արդեն իսկ գերեվարվել էին եռակողմ հայտարարության մեկ այլ դրույթի խախտման հետևանքով, երբ հրադադարի հաստատումից մեկ ամիս հետո Ադրբեջանը ռազմական գործողություններ էր ձեռնարկել Արցախի Հանրապետության Հադրութի շրջանի Խծաբերդ և Հին Թաղեր գյուղերի ուղղությամբ: Հատկանշական է, որ ադրբեջանական կողմը հայտարարել է ռազմագերիների նկատմամբ քրեական հետապնդում իրականացնելու վերաբերյալ հայ զինծառայողների գերեվարումից մոտ մեկ ամիս հետո, ինչը ցույց է տալիս, որ Ադրբեջանն օգտագործում է հայ ռազմագերիներին որպես պատանդներ իր քաղաքական օրակարգն առաջ մղելու նպատակով:

Ադրբեջանի կողմից եռակողմ հայտարարության կրկնվող և միտումնավոր խախտումները լրջորեն վտանգում են հայտարարության լիարժեք իրականացումը և ստեղծում են նոր մարտահրավերներ տարածաշրջանային անվտանգության և խաղաղության համար:

News.am

Այս պահին տեղի է ունենում Հայրենիքի փրկության շարժման ներկայացուցիչներ Վազգեն Մանուկյանի, Իշխան Սաղաթելյանի և Արթուր Վանեցյանի հանդիպումը ՀՀ արտաքին գործերի նախարար Արա Այվազյանի հետ: Այս մասին տեղեկանում են Հայրենիքի փրկության շարժման ֆեյսբուքյան էջից:

Մամուլի ասուլիսով են հանդես գալիս մշակութաբան Սամվել Հարոյանը, գրականագետ Սերժ Սրապիոնյանը, կինոռեժիսոր Սամվել Թադևոսյանը։ Նրանք անդրադառնում են մշակույթի գործիչների՝ «Ձայն հայրենյաց» նախաձեռնության մասին։

Ասուլիսն առաջարկում ենք դիտել ուղիղ հեռարձակմամբ։