Հայաստանի ազատ ոճի ըմբշամարտի Մ23 տարեկանների հավաքականի անդամներ 57 կգ քաշային Արման Հարությունյանն ու 70 կգ քաշային Դավիթ Մարգարյանը բրոնզե մեդալներ են նվաճել Սերբիայի Զրենյանին քաղաքում ընթացող ազատ ոճի ըմբշամարտի երիտասարդների Եվրոպայի առաջնությունում:
Հայաստանի երիտասարդական հավաքականի անդամ 61 կգ քաշային Լևիկ Միքայելյանը դուրս է եկել Եվրոպայի Մ23 տարեկանների առաջնության եզրափակիչ: Մեկնարկում Միքայելյանը առավելության է հասել Մոլդովայի ներկայացուցիչ Վասիլյե Մարկուի (4։1) և բուլղարացի Էրդալ Գալիպի (1։1) նկատմամբ, իսկ կիսաեզրափակչում հաղթել է Թուրքիայի ներկայացուցիչ Տոլգա Օզբեկին: Եզրափակչում Միքայելյանի մրցակիցը կլինի Ադրբեջանի ներկայացուցիչ Ջեյհուն Ալլահվերդիևը:
Բրոնզե մեդալի համար պայքարելու իրավունք ստանալու համար այսօր սփոփիչ գոտեմարտեր կանցկացնեն նաև 92 կգ քաշային Կնյազ Իբոյանը և
125 կգ քաշային Խաչատուր Խաչատրյանը:
