ԱՄՆ գեղասահքի ֆեդերացիան հաստատում է, որ կործանված ինքնաթիռում մարզիկներ և մարզիչներ են եղել, հայտնում է New York Times-ը։
Ֆեդերացիան հայտնում է, որ չորեքշաբթի երեկոյան վթարի ենթարկված ինքնաթիռում եղել են մի քանի գեղասահորդներ, մարզիչներ և նրանց ընտանիքի անդամները։ Նրանք վերադառնում էին ԱՄՆ-ի գեղասահքի առաջնությունից, որը տեղի էր ունենում Վիչիտա քաղաքում հունվարի 20-ից 26-ը։
«Մենք ավերված ենք այս ողբերգությունից», – ասվում է ԱՄՆ գեղասահքի հաղորդակցության տնօրեն Ալեքս Շաուֆլերի հայտարարության մեջ:
American Airlines ավիաընկերության 5342 չվերթն օդ է բարձրացել Կանզաս նահանգի Վիչիտա քաղաքից և վթարի է ենթարկվել Վաշինգտոնի մոտակայքում։ Սպիտակ տունը հաստատել է, որ միջադեպին մասնակցել է ռազմական ուղղաթիռ։ Ուղղաթիռի հետ բախվելուց հետո մարդատար ինքնաթիռն ընկել է Պոտոմակ գետը.
Սպորտային գործակալ Արի Զաքարյանն ավելի վաղ «Матч ТВ»-ին ասել էր, որ այս չվերթով թռչում էին ռուսական գեղասահքի մարզադպրոցի ներկայացուցիչները։ Ինքնաթիռում եղել է 60 ուղեւոր և անձնակազմի չորս անդամ։
Լրատվամիջոցների տեղեկություններով՝ այս չվերթով թռչում էին ռուս գեղասահորդներ Եվգենյա Շիշկովան և Վադիմ Նաումովը։ Ինչպես հայտնի է դարձել «Матч ТВ»-ին, ինքնաթիռում եղել է նաև մարզիչ Իննա Վոլյանսկայան։
