Փաշինյանը վշտակցել է Սիրիայի և Թուրքիայի երկրաշարժի զոհերի հարազատներին
Վարչապետ Նիկոլ Փաշինյանը ցավակցել է Թուրքիայում և Սիրիայում տեղի ունեցած ավերիչ երկրաշարժի զոհերի հարազատներին։ Այդ մասին Փաշինյանը գրառում է արել Թվիթերում և առաջարկել Հայաստանի օգնությունը։
«Վշտացած եմ Թուրքիայում և Սիրիայում ավերիչ երկրաշարժի առնչությամբ, որն այդքան շատ մարդկային կյանքեր է խլել։ Մեր խորին ցավակցություններն ենք հղում զոհերի ընտանիքներին, իսկ վիրավորներին մաղթում շուտափույթ ապաքինում։ Հայաստանը պատրաստ է օգնություն տրամադրել»,- Թվիթերի իր միկրոբլոգում գրել է Փաշինյանը։
