Ադրբեջանի հետ խաղաղության և հարաբերությունների հաստատման պայմանագրի շուրջ ինտենսիվ բանակցություններ են ընթանում, և մենք հույս ունենք՝ հնարավորինս արագ համաձայնության հասնել տեքստի շուրջ և ստորագրել այն: Լրագրողների հետ մամուլի ասուլիսի ժամանակ իր բացման խոսքում ասաց վարչապետ Նիկոլ Փաշինյանը:
«Միջազգային հանրության ընկալումն ավելի ու ավելի շատ է հակվում այն բանաձևին, որ Հայաստանն ու Ադրբեջանն առանց վերապահումների պետք է ճանաչեն միմյանց, համապատասխանաբար, 29,800 քկմ և 86,600 քկմ տարածքային ամբողջականությունը, և Լեռնային Ղարաբաղի հայության իրավունքների և անվտանգության ապահովման շուրջ Բաքվի և Ստեփանակերտի միջև պետք է տեղի ունենա երկխոսություն»,-ասաց Փաշինյանը՝ նշելով, որ համաձայն են այս տրամաբանությանը և բանակցությունները վարում են հենց այս տրամաբանությամբ՝ ընդծելով, որ Ստեփանակերտ-Բաքու երկխոսության երաշխավորման միջազգային մեխանիզմները չափազանց կարևոր են:
«Միևնույն ժամանակ համոզված եմ, որ Հայաստանի անվտանգության ապահովման ռազմավարական երաշխիքը խաղաղությունն է, որը հանրավոր է բոլոր հարևանների հետ հարաբերությունները կարգավորելու միջոցով: Սա ամենևին էլ հեշտ գործընթաց չէ, բայց, կարծում եմ, այն է, ինչ ուզում ու ակնկալում է մեր ժողովուրդը»,-ասաց Փաշինյանը:
