ՌԴ նախագահ Վլադիմիր Պուտինի եռակողմ հանդիպումը Հայաստանի վարչապետ Նիկոլ Փաշինյանի և Ադրբեջանի նախագահ Իլհամ Ալիևի հետ նախապատրաստվում է, վայրն ու ժամկետները կորոշվեն ավելի ուշ։
Այդ մասին լրագրողներին ասել Է ՌԴ նախագահի մամուլի խոսնակ Դմիտրի Պեսկովը, փոխանցում է РИА Новости-ն։
«Մենք արդեն ասել ենք, որ նման եռակողմ հանդիպում նախապատրաստվում է։ Հուսով ենք, որ այն տեղի կունենա։ Տեղի և ժամկետների մասով մենք ձեզ լրացուցիչ կհայտնենք», – ասել է Պեսկովը ՝ պատասխանելով հարցին՝ հոկտեմբերի 31-ին սպասվում է արդյո՞ք եռակողմ հանդիպում Ռուսաստանի, Հայաստանի և Ադրբեջանի միջև։
Ավելի վաղ ՀՀ ԱԺ նախագահ Ալեն Սիմոնյանը լրագրողներին հայտնել էր, որ Հայաստանի վարչապետ Նիկոլ Փաշինյանը հոկտեմբերի 31-ին կարող է մեկնել Սոչի ՝ մասնակցելու Ռուսաստանի և Ադրբեջանի նախագահներ Վլադիմիր Պուտինի և Իլհամ Ալիևի հետ հանդիպմանը:
