Իրանի արտգործնախարար Աբբաս Արաղչին երկուշաբթի պաշտոնական այցով կայցելի Հայաստան, հայտնում են Իրանի ԱԳՆ-ից։
Նշվում է, որ Երևանում կքննարկվի երկկողմ հարաբերությունները և տարածաշրջանի վերջին զարգացումները, հայտնել է Իրանի ԱԳՆ խոսնակ Իսմայիլ Բաղային։
«Իրանի և նրա հարևանների միջև երկկողմ հարաբերությունների և տարածաշրջանում ընթացող խորհրդակցությունների շրջանակում մեր երկրի արտաքին գործերի նախարարը երկուշաբթի կայցելի Երևան», – ասել է Բաղային։
Նրա խոսքով՝ այցի ընթացքում, որը պետք է տեղի ունենա հայկական կողմի նախաձեռնությամբ, Արաղչին կհանդիպի իր գործընկերոջ, ինչպես նաև վարչապետի և Հայաստանի իշխանությունների այլ ներկայացուցիչների հետ։
Բացի երկկողմ հարաբերությունների քննարկումից, օրակարգում կլինեն Հարավային Կովկասի տարածաշրջանի վերջին իրադարձությունները։
