Հայաստանի Անվտանգության խորհրդի քարտուղար Արմեն Գրիգորյանը հանդիպել է Մեծ Բրիտանիայի վարչապետի ազգային անվտանգության հարցերով խորհրդական Թիմ Բարոունի հետ։
Արմեն Գրիգորյանի՝ Լոնդոն կատարած աշխատանքային այցի շրջանակում կայացած հանդիպմանը կողմերը նշել են հայ-բրիտանական հարաբերությունների զարգացման դինամիկան, երկու երկրների միջև ռազմավարական երկխոսության պաշտոնական մեկնարկը՝ ընդգծելով, որ դա վկայում է Երևանի և Լոնդոնի պատրաստակամության մասին։
«Մտքերի փոխանակում է տեղի ունեցել նաև տարածաշրջանում և Հայաստանի շուրջ անվտանգության իրավիճակի շուրջ, ես ներկայացրել եմ Հայաստանի ջանքերը հայ-ադրբեջանական հարաբերությունների կարգավորման և խաղաղության հաստատման ուղղությամբ»,- գրել է Արմեն Գրիգորյանը։
