ԱՊՀ անդամ երկրների արտգործնախարարները Մոսկվայում կայացած նիստի արդյունքներով հանդես են եկել համատեղ հայտարարությամբ, որով դատապարտում են միակողմանի պատժամիջոցները, հորդորում զերծ մնալ նման քայլերից։
Նշենք, որ Մոսկվայում կայացած նիստին մասնակցել է նաև Հայաստանի արտգործնախարար Արարատ Միրզոյանը։
«Ցանկացած պետության կողմից միակողմանի սահմանափակող միջոցների ընդունումը հակասում է Միավորված ազգերի կազմակերպության Կանոնադրությանը և միջազգային իրավունքին։ Պետություններին խորհուրդ է տրվում ձեռնպահ մնալ միակողմանի սահմանափակող միջոցների ընդունումից, տարածումից և կիրառումից, որոնք խոչընդոտում են սոցիալ-տնտեսական զարգացմանը, հատկապես զարգացող երկրներում»,- նշված է հայտարարության մեջ։
Հայտարարության մեջ, սակայն, հստակեցված չէ, թե որ երկրի դեմ պատժամիջոցներն են անթույլատրելի, և որ երկրներին է խորհուրդ տրվում ձեռնպահ մնալ պատժամիջոցներից։
