158 մեքենաներ բախվել են մառախուղի պատճառով
ԱՄՆ-ում մառախուղի պատճառով ավելի քան 158 ավտոմեքենա է բախվել, առնվազն յոթ մարդ է զոհվել։
Նահանգի ոստիկանությունը հայտնել է, որ ևս 25 մարդ վիրավորվել է։ ԱՄՆ մայրուղիներից մեկում բախումը տեղի է ունեցել վատ տեսանելիության պատճառով, որն առաջացել է անտառային հրդեհների ծխից և թանձր մառախուղից։
«Առավոտյան վթարի է ենթարկվել առնվազն 158 մեքենա: Հաստատվել է մահվան յոթ դեպք։ Ավելի քան 25 մարդ տեղափոխվել է տեղի հիվանդանոցներ: Բազմաթիվ տուժածներ ինքնուրույն են դիմել բժշկական օգնության»,- ասված է ոստիկանության հաղորդագրությունում։
Բախումից հետո որոշ մեքենաներ այրվել են։ Ներկա պահին դեպքի վայրից անսարքության պատճառով տարհանվում է դյուրավառ հեղուկով մեկ բեռնատար մեքենա։
Նշվում է, որ քիչ ավելի ուշ շտապ օգնության ծառայությունները կկարողանան ավելի լավ գնահատել վթարի հետեւանքները։ Զոհերի թիվը կարող է աճել. զգուշացրել է ոստիկանությունը
