«Ինձ հրամայել են ասել, որ Ադրբեջանում ավելի լավ է, որ Արայիկ Հարությունյանը դավաճան է, որ գեներալների անունները թվարկեմ ու ասեմ, որ դավաճան են, բայց ես դա չեմ ասել, ես ստել եմ, որ ոչ մեկի անունը չգիտեմ: Ես ասել եմ, որ ես չգիտեմ, թե ով է դավաճան», – ադրբեջանցիների ձեռքից ազատվելով, Հայաստան տեղափոխվելուց հետո պատմել է Մհեր Զարգարյանը։
Նրա ու ընտանիքի մասին տեսանյութն ադրբեջանցիներն են նկարել ու տարածել՝ իբր տեսեք, թե ինչպես են արցախցիները նախընտրում են ապրել ադրբեջանցիների հետ, քան՝ հայերի։
Իրական պատմությունն այսպիսին է.
«Ինձ ստիպեցին նույն բանը կրկնել 3-4 անգամ, և եթե անընդմեջ այդքան բան չասեմ, երկրորդ անգամ ինձ չեն զգուշացնի: Ես ասացի, որ կանեմ, ինչ էլ որ ասեք, միայն թույլ տվեք, որ իմ երեխան անցնի սահմանը», -պատմել է Մհերը։
Նա նշեց, որ իրեն և իր կնոջը առանձին են տարել և ստիպել նույնն անել։ Ադրբեջանցիներն իրենց հետ հայերեն են խոսել ու սպառնացել՝ եթե տեսախցիկի առաջ չկրկնի այն, ինչ իրենք են ասում, կսպանեն։
«Նրանք ինձանից լավ հայերեն էին խոսում։ Նրանք իմ կողքին զենք դրեցին, միացրին իմ հին տեսանյութը և ասացին, որ Բաքվում անհամբեր սպասում են ինձ, որ դատեն», – ասաց նա:
Մհեր Զարգարյանը նաև պատմել է, թե ինչպես են ադրբեջանցիները Հաքարի կամրջից ևս մեկ տղամարդու տանում:
«Ես առաջինը չէի, դիմացս երկու մեքենա կար, աչքիս առաջ ինչ-որ մեկին բռնեցին»:
