Կայացավ «Հայ գործարարների 100 և 5 բիզնես պատմություններ» անվամբ առաջին հայ ձեռնարկատիրական և առաջնորդական հմտությունների զարգացման գիրքը, որին հրավիրված էին մասնակցելու հայ գործարարներ, գործարար միության ղեկավարներ, հյուրեր և ԶԼՄ-ներ։
Միջոցառմանը մասնակցելու համար Հայաստան էին ժամանել գործարարներ նաև Ֆրանսիայից և ՌԴ-ից։ Հայաստանում երկլեզու բիզնես գիրքը՝ նման ձևաչափով թողարկվում է առաջին անգամ։ Նախաձեռնության նպատակը հեղինակավոր հայ գործարարների բիզնեսների ստեղծման ուշագրավ պատմությունները ներկայացնելն է։
Այն հայկակական ձեռնարկատիրական հմտությունների զարգացման առաջին շտեմարանն է, որը տարբեր գործարարների օրինակով սովորեցնում է՝ ինչպե՞ս կառուցել սեփական բիզնեսը՝ ծանոթացնելով բիզնես առաջնորդների իրական փորձի ու ձախողումներիի օգտակար պատմություններին։ Անձի ինքնակատարելագործման և ինքնազարգացմանն ուղղված այս գիրքը՝ իրական ու անկեղծ պատմություններով կմոտիվացնեն և կօգնեն կյանքի կոչել նոր գաղափարներ, կսովորեցնեն՝ ինչպես 0-ից հիմնել բիզնես, ձևավորել առաջնորդական հմտություններ ու բիզնես մտածողություն։
Ինչպե՞ս դնել նպատակ ու գնալ դրա ետևից։ Գիրքը գաղափարներն իրականության վերածած, 0-ից, ֆինանսական ակնառու ձեռքբերումների և հաջողութունների հասած առաջնորդների մասին է, նրանց կողմից կիրառած բիզնեսի զարգացման տարբեր մոդելների, ռազմավարական գործիքների, մարքեթինգի, վաճառքի արդի մեթոդների, բիզնես մտածողության նոր բանաձևերի, ստարտափների ստեղծման ու կայացման արդյունավետ լուծումների, առողջ մրցակցության մեջ լինելու արդի քայլերի, շուկայում ճիշտ դիրքավորվելու և այլն ի մասին։
Միջոցառմանը ներկա էր նաև ՀՀ գործատուների հանրապետական միության նախագահ Վահագն Համբարձումյանը, ով իր ելույթի խոսքում կարևորեց նման բովանդակությամբ գրքի լուհս ընծայումը՝ համարելով նախագիծը աննախադեպ։ «Հայ գործարարության հարյուր և հինգ բիզնեսի պատմություն» գրքի, աննախադեպ շտեմարան է ձևավորվում գրքի տեսքով, որտեղ մարդիկ, ովքեր որոշակի համակարգեր են ձևավորել, որոշակի արդյունքներ են ստացել, իրենց փորձով կիսվելու հնարավորությունն են ստանում:
Բայց այդ հնարավորությունն ավելի շատ ընձեռվելու է ընթերցողներին, նոր սկսվող, արդեն իսկ գործող բիզնեսներին, որովհետև այդ գրքի միջոցով իրականացվելու է որոշակի կրթություն, արդեն իսկ փորձվածներից գիտելիքը փոխանցվելու է դեռևս անփորձներին», նշեց Վահագն Համբարձումյանը՝ հավելելով, որ սեփական բիզնես հիմնադրելիս պետք է առաջին հերթին ունենալ շատ լուրջ ռազմավարական մտածելակերպ։Սոսկ ինչ որ ոլորտի մասնագետ լինելը դեռ բիզնեսմեն դառնալու երաշխիք չէ: Բիզնեսը առանձին հատկանիշներ է պահանջում:
«Եվ ահա, 100 5 պատմություններից յուրաքանչյուրը կարող է քո բարեկամն ու օգնականը լինել, ուղեցույց դառնալ հաջողության քո սեփական պատմությունը»․ Հեղինակը՝ նախկին լրագրող, «Հայաստան-Արցախ-Սփյուռք» համահայկական ամսագրի գլխավոր խմբագիր, «Հայրենք -սփյուռք կապերի զարգացման» ՀԿ հիմնադիր, ԷՅ ԷՅ ԴԻ Փրոջեքթ մարքեթինգային ընկերության հիմնադիր Լուսինե Նազարյանն է, ով իր թիմակիցների հետ ցանկացել է մեջբերել հայտնի բիզես առաջնորդների հաջողության բանաձևերը և տալ բազմաթիվ «ինչուների» պատասխաններ, որոնք ընթերցողների շրջանում կձևավորեն նոր աշխարհընկալում, կնպաստեն սեփական ներուժի վերարժևորմանը ու դեռևս չիրացված հնարավորությունների բացահայտմանը։
Գրքում իրական փաստերով ներկայացված են ավելի քան 105 տարբեր ոլորտներում ակնառու հաջողությունների հասած հայտնի գործարարների անկեղծ խոստովանությունները՝ ձախողումների, անկումների և վերելքների վերաբերյալ՝ ընթերցողին հաղորդելով գրագետ բիզնես սկսելու և այն վարելու բոլոր ձեռնարկատիրական գաղտնիքները։ Գիրքը Նախատեսված է ինչպես հայ, այնպես էլ օտարալեզու ընթերցողների համար և կարող է օգտակար լինել, ինչպես սկսնակ ձեռներեցների, այնպես էլ ձեռներցությամբ զբաղվել ցանկացողների համար։
