Կախված եղբայրները նամակ են գրել իրենց մորը, նաև խնդրանք ուղղել ոստիկաններին

Գագիկ Շամշյանը հայտնում է, որ սեպտեմբերի 7-ին, առեղծվածային ու ողբերգական դեպք է տեղի ունեցել Կոտայքի մարզում։ Ժամը 13:50-ի սահմաններում ՀՀ Ներքին գործերի նախարարության ոստիկանության համայնքային ոստիկանության գլխավոր վարչության Կոտայքի բաժնում օպերատիվ տեղեկություններ են ստացվել, որ Աբովյան քաղաքի Հատիսի փողոցում գտնվող արագ սննդի կետում 2 քաղաքացի կա կախված։
Ինքնասպան եղած եղբայրները դեպքից առաջ նամակ են գրել իրենց մորը ու ասել․ «Մամ ջան, կներես ինձ, ոչ մի բան չխոստանաս որևէ մեկի։ Մեղավորը ես եմ, ես սիրում եմ ձեզ, բայց չստացվեց, ապրի քո համար։ Նարեիս լավ կպահես։ Նարե ջան, կներես ինձ։ Խնդրում եմ ոստիկաններին՝ հետևողական լինեն, չվնասեն իմ 3 հրաշքներին։ Ես եմ մեղավոր, ոչ իրանք, իրանք բան չգիտեն, ու մարդիկ չար են»։

Նշանակվել են ինչպես դիակի, այնպես էլ ձեռագրաբանական փորձաքննություն։ Իրավապահները փորձում են պարզել՝ նամակը եղբայրներն են գրել, թե ոչ։

Shamshyan.com-ն էլ հայտնել էր, որ անգամ Աբովյանի քաղաքապետ Էդուարդ Բաբայանն է եղել դեպքի վայրում։

Դեպքի փաստով Աբովյանի քննչական բաժնում նախաձեռնվել է քրեական վարույթ, որտեղ էլ պարզում են մահացածների ինքնությունը։