ԱԺ նախկին պատգամավոր Գևորգ Պետրոսյանը հայտարարել է, որ որոշել է առաջադրվել ԵՊՀ Իրավագիտության ֆակուլտետի դեկանի պաշտոնում։
«Շուրջ մեկ ամիս առաջ ես հրապարակային հայտարարեցի, որ մտադիր եմ առաջադրվել ԵՊՀ Իրավագիտության ֆակուլտետի դեկանի պաշտոնում:
Հաջորդիվ առանձին քննարկումներ ունեցա և ստացա մասնագիտական խորհուրդներ, բայց ամենակարևորն էր ինձ համար շոշափել և ուսումնասիրել ուսանողության կարծիքը, այդ կարծիքը բացառապես դրական էր:
Վերլուծելով այդ ամենի բովանդակությունը, իմի բերելով դրանք՝այսօր որոշեցի, ղեկավարվելով ՀՀ սահմանադրության 57 հոդվածի 1-ին մասով և հիմք ընդունելով ԵՊՀ Գիտխորհրդի 2023թ մարտի 23-ի թիվ 9/2 որոշումը, որոշեցի առաջադրվել ԵՊՀ Իրավագիտության ֆակուլտետի դեկանի պաշտոնում: Մրցույթը կկայանա սույն թվականի ապրիլի 3-ին:
Չգիտեմ ովքեր են առաջադրվել, բայց հուսով եմ, որ պայքարը կանցնի ՀՀ գործող օրենսդրության շրջանակներում և փոխադարձ հարգանքի մթնոլորտում»,-հայտնում է նա:
