Սահմանադրական և վարչական իրավունքի մասնագետ Վահե Գրիգորյանը հանրության ուշադրությունը հրավիրում է կարևոր խնդրի՝ Երևանի օդի աղտոտվածության փաստի վրա։
Նա գրել է.
Նկարում օդ մաքրող սարքի ֆիլտրն է` մեկ ամիս օգտագործելուց հետո, աջ կողմը` արդեն մաքրված վիճակում։
Օդի այսպիսի աղտոտվածության պատճառը Երևանի քաղաքապետարանի ոչ պատշաճ հսկողությունն ու վերահսկողությունն է, քանի որ նախկին Լենինգրադյան փողոցը, իհարկե, անվանափոխեցին, բայց Քըրք Քըրքորյան դարձած փողոցում շահագործված նորակառույց շենքերի անմիջապես հարևանությամբ կատարվող շինարարությունները, եթե անգամ վերահսկվում են, ապա միայն ձևականորեն. ոչ անթափանց փոշեկլանիչ ցանցեր կան, ոչ անթափանց թաղանթներ, ոչ էլ շինհրապարակն է ջրվում, ոչ էլ շինհրապարակ մտնող-ելնող մեքենաների անվադողերն են լվացվում, մինչդեռ դա օրենքի պահանջն է։
Ու այստեղ ոչ թե մեղավորը մթնոլորտն է, վատ վերահսկողությունը, Արգիշտի Առաջինը կամ նախկինները, այլ ոչ պատշաճ հսկողությունը։
