Դատախազությունը մինչ օրս չի պատասխանել պարզ հարցի՝ թույլատրվո՞ւմ է Սամվել Կարապետյանին տեսաուղերձով հանդես գալ, թե՞ ոչ. սոցցանցի իր էջում գրել է փաստաբան Արամ Վարդևանյանը:
Նա, մասնավորապես, նշել է. «Հարգելի գործընկերներ, եթե Ձեզ փոխանցեն Պրոբացիայի ծառայության կիսատ «գրություն», պարզապես անտեսեք այն: Նման հարցերի ու իրավական հետևանքների գնահատող մարմինը քննչական և դատախազության պաշտոնատար անձինք են:
Ի դեպ, հարցադրումը հետևյալն է. թույլատրվո՞ւմ է Սամվել Կարապետյանին տեսաուղերձով հանդես գալ, թե՞ ոչ: Պատասխանը ենթադրում է՝ այո, կամ ոչ: Այս պարզ ու պրիմիտիվ հարցին մինչ օրս չի պատասխանել Դատախազությունը, իսկ Քննչական մարմինը նոր դիմումին ի պատասխան կրկին մերժել է` պատճառաբանելով, որ չի կարող պատասխանել այդ հարցին;
Կրկին առաջարկում և պահանջում եմ. դադարեցնել Սամվել Կարապետյանի նկատմամբ քաղաքական հետապնդումը, կամ վերացնել ապօրինի խափանման միջոցը, և/կամ Դատախազությանը և Քննչական մարմնին «հորդորել» տալ հստակ պատասխան այս պարզ հարցին:
Ի դեպ, էթիկական նկատառումներից ելնելով` ինքս չեմ հրապարակել գրագրության ու պատասխանների տվյալները»։
