Դեկտեմբերի 26-ին իրանական կողմի նախաձեռնությամբ հեռախոսազրույց է տեղի ունեցել Ռուսաստանի Դաշնության արտաքին գործերի նախարար Սերգեյ Լավրովի և Իրանի Իսլամական Հանրապետության արտաքին գործերի նախարար Հոսեյն Ամիր Աբդոլլահիանի միջև։ Այս մասին հայտնում է ՌԴ ԱԳՆ կայքը:
Տարբեր մակարդակներում շփումները զարգացնելու նպատակով քննարկվել են երկկողմ, տարածաշրջանային և միջազգային օրակարգի արդի հարցեր, որոնք փոխադարձ հետաքրքրություն են ներկայացնում։
Ինչպես հաղորդում է Mehr գործակալությունը, անդրադառնալով Հարավային Կովկասի տարածաշրջանում առկա զարգացումներին՝ իրանցի բարձրաստիճան դիվանագետը ողջունել է Հայաստանի և Ադրբեջանի միջև կայուն խաղաղության համաձայնագրի ձեռքբերման բանակցությունների գործընթացը և ընդգծել Իրանի Իսլամական Հանրապետության աջակցությունը տարածաշրջանում խաղաղության և կայունության հաստատման գործում։
