Ղազախստանի դեսպանությունը ցավակցում է

Հայաստանում Ղազախստանի դեսպանությունը ցավակցություն է հայտնել «Սուրմալու» առեւտրի կենտրոնում տեղի ունեցած ողբերգական պայթյունի կապակցությամբ։

«Հայաստանի Հանրապետությունում Ղազախստանի Հանրապետության դեսպանությունը խորին ցավակցություն է հայտնում Երևանի Սուրմալու առևտրի տանը տեղի ունեցած պայթյունի հետևանքով զոհերի կապակցությամբ։ Բոլոր վիրավորներին մաղթում ենք շուտափույթ ապաքինում»,- նշված է դեսպանության ֆեյսբուքյան էջում։