Ազգային ժողովի պետաիրավական հարցերի մշտական հանձնաժողովում քննարկվում է եզդիական համայնքը ներկայացնող պատգամավոր Ռուստամ Բաքոյանի հեղինակած նախագիծը, որով առաջարկվում է բարձրացնել ամուսնության համար թույլատելի տարիքային շեմը։ Գործող օրենսդրությամբ ամուսնության տարիքային շեմը սահմանված է 18 տարեկանը, սակայն առկա են բացառություններ, երբ թույլատրվում է ամուսնանալ օրինակ17, 16 տարեկանում: Այժմ առաջարկվում է վերացնել բոլոր բացառությունները՝ թույլ չտալու անչափահասների ամուսնություններ
Քննարկմանը ներկա ՀՀ արդարադատության նախարարի տեղակալ Արմենուհի Հարությունյանն ընդգծեց, որ կառավարությունը միանշանակ կողմ է պատգամավորական այս նախաձեռնությանը։
Ըստ պաշտոնյայի՝ ուսումնասիրությունները ցույց են տվել, որ վաղ ամուսնությունները մեր երկրում նվազել են, ինչպես որ նվազել է գրանցված վաղ ամուսնություններից ծնված երեխաների թիվը, սակայն խնդիրը դեռևս շարունակում է մտահոգիչ մնալ։
«2007 թվականի ծնված, այսինքն՝ 17 տարեկան երեխաների մոտ 23 ամուսնությունից 23 երեխա ունենք ծնված, և 56 ամուսնություն՝ 18 տարեկաների համար։ Իսկ 16 տարեկան 2 հոգի երեխա է ունեցել արդեն»,-ասաց նա։
Արմենուհի Հարությունյանը շեշտեց՝ կառավարությունը կողմ է վաղ ամուսնությունների դեմն առնելուն, և վերոնշյալ օրենսդրական նախաձեռնությունն ուղղակի անհնարժեշտություն է։
Ինչ վերաբերում է 18 տարեկանը լրացած քաղաքացիների ամուսնությունների վիճակագրությանը, ապա այս տարվա ութ ամիսների կտրվածքով գրանցվել է արդեն իսկ 84 ամուսնություն։
