Հնագետները սինագոգում հրեա լրտեսների պատկերով խճանկար են հայտնաբերել

22

Հուքոքում հին հրեական սինագոգը պեղելիս գիտնականները հանդիպել են Դատավորների գրքից որոշ տեսարանների էսքիզների: Phys.Org-ի հոդվածի համաձայն՝ հնագետները 1600 տարվա վաղեմության խճանկարն ուսումնասիրելիս հայտնաբերել են հրեա լրտեսների պատկերներ:

Մասնագետներն ուսումնասիրել են հնագույն սինագոգի հատակին տեղադրված խճանկարային վահանակը։ Պատկերը բաժանված է երեք մասի, որոնցից յուրաքանչյուրը պարունակում է մի դրվագ Դատավորների գրքի 4-րդ գլխից։ Խոսքը Սիսարայի սպարապետի գլխավորությամբ քանանացիների բանակի նկատմամբ իսրայելցի զինվորների հաղթանակի մասին է։

Վահանակի վրա պատկերված են երկու հրեա լրտեսներ, որոնց Մովսեսը ուղարկել է Քանան։ Լրտեսները պատկերված են ձողի հետ միասին, որի վրա խաղողի ողկույզ են տանում։ Մեկ այլ վահանակի վրա դուք կարող եք գտնել մի մարդու՝ պարանով կենդանու հետ, այստեղ կա մակագրություն՝ «Մի փոքրիկ երեխա կառաջնորդի նրանց» գրությամբ։

Գլխավոր սրահում պահպանվել են Նոյան տապանը պատկերող խճանկարային վահանակներ։ Մոտակայքում կա Կարմիր ծովի ջրերը բաժանող Մովսեսի պատկերը, ինչպես նաեւ այլ կարեւոր տեսարանների պատկերներ։ Բացի այդ, հնագետները հայտնաբերել են աստվածաշնչյան հերոսուհիներ Դեբորայի եւ Ջաելի պատկերը, որը, ըստ երեւույթին, առաջինն է եբրայական արվեստում: Հուքոքի հնագույն սինագոգի ուսումնասիրությունը կշարունակվի, ուստի այստեղ կարելի է նոր բացահայտումներ անել:

Աղբյուր՝ News.am