Օդային տրանսպորտի դաշնային գործակալությունը հայտնել է, որ վթարված Embraer ինքնաթիռում եղել են Եվգենի Պրիգոժինը և Դմիտրի Ուտկինը։
Պրիգոժինի ինքնաթիռը խոցվել է ռուսական հակաօդային պաշտպանության համակարգի կողմից, գրում է Finance Times-ը։
Տվերի մարզում ինքնաթիռի կործանման վայր են ժամանել փրկարարները։
Ըստ Օդային տրանսպորտի դաշնային գործակալության՝ օդանավում եղել է Եվգենի Պրիգոժինը։ Փրկարարները կործանված ինքնաթիռի բեկորների տակից հանել են յոթ մարդու դի․ հայտնել են Բոլոգովսկի շրջանի միասնական հերթապահ-դիսպետչերական ծառայությունից։
Ավելի վաղ հաղորդվում էր, որ վթարի հետևանքով զոհվել է ընդհանուր առմամբ տասը մարդ։
