Ռուսաստանը գլխավորում է Եվրոպան այն բնակիչների թվով, որոնք ավարտել են կորոնավիրուսի դեմ պատվաստումների ամբողջական կուրսը. 3,5 միլիոն ռուսաստանցիներ արդեն ստացել են Սպուտնիկ V պատվաստանյութի երկու չափաբաժինները: Այս մասին երկուշաբթի հայտնել է Ռուսաստանի ուղղակի ներդրումների հիմնադրամի ղեկավար Կիրիլ Դմիտրիևը, հաղորդում է ՏԱՍՍ-ը:
Նրա խոսքերով, եվրոպական ոչ մի երկիր դեռևս ամբողջությամբ չի պատվաստել 3 միլիոն բնակչի: Ռուսաստանը, Չինաստանի, ԱՄՆ-ի, Հնդկաստանի և Իսրայելի հետ միասին, պատվաստված մարդկանց թվով աշխարհի 5 առաջատար երկրների շարքում է:
