Ֆուտբոլի Ռուսաստանի առաջնության 19-րդ տուրում «Ռոստովի» հետ խաղում «Սպարտակի» կիսապաշտպան Արաս Օզբիլիսը 43-րդ րոպեին վնասվածք է ստացել եւ ընդմիջումից անմիջապես հետո փոխարինվել է: Պարզվել է, որ ֆուտբոլիստը ձգել է ձախ ազդրի մկանը: «Սպարտակն» այդ խաղում խաղավերջում խփած միակ գոլի շնորհիվ հաղթել է 1-0 հաշվով եւ 39 միավորով հանգրվանել է 3-րդ հորիզոնականում: 40-ական միավորով առաջատարներն են «Զենիթն» ու «Լոկոմոտիվը»:
19-րդ տուրով ավարտվեց ՌԴ առաջնության խաղացանկով այս տարվա համար նախատեսված ծրագիրը: 12 գնդակով Յուրա Մովսիսյանը ռոստովցի Արտյոմ Ձյուբայի հետ գլխավորում է առաջնության լավագույն ռմբարկուների ցանկը:
