RSS | FACEBOOK | NLA
ԳԼԽԱՎՈՐ | ՄՇԱԿՈՒՅԹ | ԸՆՏՐԱՆԻ | ՈՐՈՆՈՒՄ | ԱՐԽԻՎ | ԹԵՄԱ | ՀԵՂԻՆԱԿՆԵՐ

WWW.AZGONLINE.AM
2020-08-14 23:17:01Վովա Վարտանովի զրույցը Թեքեյան Մշակութային միության առցանց լրատվամիջոցին
2020-08-14 21:53:02Տավուշյան հաղթական մարտերի ակտիվ դերակատարները պետական պարգևներ կստանան, իսկ կապիտան Ռուբեն Սանամյանը՝ Ազգային հերոսի կոչում
2020-08-14 18:25:15Լիբանանից Հայաստան տեղափոխվողների համար կառավարությունը փաթեթ է պատրաստում
2020-08-14 15:21:00ԼՂ-ում հայերը կանգնած են գոյաբանական սպառնալիքի առջև. Փաշինյանն անդրադարձել է ուժի բացառման խնդրին
2020-08-14 15:16:29Մեր տարածաշրջանում կան երեք խաղացողներ՝ Իրան, Թուրքիա ու Ռուսաստան

ԼՐԱՀՈՍ


ԵՐԵՎԱՆ-ԳՅՈՒՄՐԻ ԳՆԱՑՔԻ ՈՒՂԵՎԱՐՁԸ ՉԻ ԷԺԱՆԱՑԵԼ. ԴԱ ՇՓՈԹԵՑՆՈՂ ՏԵՂԵԿՈՒԹՅՈՒՆ Է

Փոքր-ինչ ուշացումով համացանցում հանդիպեցինք մի հրապարակման՝ «Երեւան-Գյումրի գնացքի ուղեվարձն իջեցվել է, երթն արվում է կանգառներով» վերնագրով, որը, կարծում ենք, «չլուսավորված» ընթերցողին եւ ուղեւորին թյուրիմացության առիթ կարող է տալ: «Հայկական ժամանակ» օրաթերթի էլէկտրոնային տարբերակ armtimes.com-ի հուլիսի 2-ի այս հրապարակման առաջին նախադասությունում ասվում էր. «Ավելի քան երկու անգամ իջեցվել է Երեւան-Գյումրի գնացքի ուղեվարձը, նախկինում այն 2500 դրամ էր, հիմա՝ 1200 դրամ. այս լուրը «Հայկական ժամանակ»-ին հաղորդեց «Հարավկովկասյան» երկաթուղի ընկերության մամուլի խոսնակ Ռուբեն Գրձելյանը՝ ի պատասխան գնային քաղաքականության վերանայման մասին հարցին»:

Չգիտենք՝ որ կողմի պատճառով, բայց այս «լուրն» ավելի է խորացնում հնարավոր շփոթը, ուստի փորձենք պարզաբանել, թե իրականում ինչ է տեղի ունեցել:

Գյումրի-Երեւան եւ հակառակ ուղղությամբ երկաթուղային ամենօրյա ուղեւորափոխադրումները կատարվում են երեքական ուղերթով՝ առավոտ, կեսօրին եւ երեկոյան, հին «սերնդի» քառավագոն էլեկտրագնացքներով: Ուղեվարձը մեկ ուղղության համար 1000 դրամ է: 2018թ. մարտ ամսից այս երթուղում միայն ուրբաթ, շաբաթ, կիրակի օրերին գործում է նաեւ մի նոր, ժամանակակից էլեկտրագնացք՝ երկու վագոնով, արագընթաց ռեժիմով, առանց ճանապարհի կանգառների: Առավոտյան Երևանից մեկնող ու երեկոյան վերադարձող այս գնացքն ակնհայտորեն գյումրեցի «հասարակ» ուղեւորի համար չէ՝ նաեւ սահմանված 2500 դրամ անհասկանալի ուղեվարձի պատճառով, որով եւ անցյալ տարի բերված երկրորդ նման գնացքը հակառակ ուղղությամբ՝ չարդարացրեց ու հանվեց:

Ահա այս մի նոր՝ ԷՊ2Դ էլեկտրագնացքն է որոշվել հուլիսի 1-ից աշխատեցնել հին էլեկտրագնացքներից մեկի փոխարեն, բայց արդեն կանգառներով ու ոչ որպես արագընթաց: Եվ արդեն ոչ 1000, ոչ էլ 2500, այլ 1200 դրամ ուղեվարձով:
Խոսքը ժամը 14:25-ին Երեւանից մեկնող ու 18:15-ին Գյումրիից վերադարձող ամենօրյա գնացքի մասին է:

ԳԵՂԱՄ ՄԿՐՏՉՅԱՆ
Ուղեւոր

Գյումրի

2020-07-08 19:12:15

Հայկական էկեկտրոնային գրքերի և աուդիոգրքերի ամենամեծ թվային գրադարան

ԱԶԳ-Ը ԱՌԱՋԱՐԿՈՒՄ Է ԳՐԱՀՐԱՏԱՐԱԿՉԱԿԱՆ ԾԱՌԱՅՈՒԹՅՈՒՆՆԵՐ

ԱԶԴԱԳԻՐ