RSS | FACEBOOK | NLA
ԳԼԽԱՎՈՐ | ՄՇԱԿՈՒՅԹ | ԸՆՏՐԱՆԻ | ՈՐՈՆՈՒՄ | ԱՐԽԻՎ | ԹԵՄԱ | ՀԵՂԻՆԱԿՆԵՐ

WWW.AZGONLINE.AM
2021-01-20 22:36:43Ինչպես անցավ Ջոզեֆ Բայդենի երդմնակալությունը
2021-01-20 22:35:52Գազի պայթյունից զոհեր Մադրիդում
2021-01-20 21:53:02Ադրբեջանն ինձ 50 000 դոլար է առաջարկել Արցախում գործած ռազմական հանցագործությունները չհրապարակելու համար. Թոմաշ Լեխ Բուչիչ
2021-01-19 20:33:12Կարսի զորավարժության նպատակը Երևանի օկուպացիան է, բայց գլխավոր շտաբն ամեն ինչ հասկանում է. Старше Эдды
2021-01-19 16:59:19Ռոսպոտրեբնադզոր. ЭпиВакКорона-ն 100% արդյունավետ է

ԼՐԱՀՈՍ


ՋՈՐՋ ՏՈԴՈՐՈՎԻՉ. ԱՌԱՋԻՆ ՍԵՐԲԱՀԱՅԸՙ ՍԵՐԲԻԱՅԻ ԽՈՐՀՐԴԱՐԱՆՈՒՄ

Հունիսի 21-ին Սերբիայում անցկացված խորհրդարանական ընտրություններում իշխողՙ Սերբիայի առաջադիմական կուսակցության (SNS) ընտրացուցակով պատգամավոր է ընտրվել հայկական ծագումով 29-ամյա Ջորջ Տոդորովիչը: Չնայած երիտասարդ տարիքին, նա նախագահ Ալեքսանդր Վուչիչի գլխավորած կուսակցության ընտրացուցակում գրանցված էր 6-րդ համարի ներքո: 250 պատգամավորներից բաղկացած խորհդարանում առաջադիմականները կզբաղեցնեն 189 տեղ, կամ նախնական տվյալներով` գրեթե 65 տոկոսը: Ի դեպ, կորոնավիրուսի համավարակի նվազումից հետո Եվրոպայում առաջին ընտրություններն անցկացվեցին Սերբիայում:

Ջորջի հայրը սերբ է, մայրըՙ հայուհի, Կամիլա Մուրադյանը, որ 1990թ ամունասցել է եւ Երեւանից տեղափոխվել է Բելգրադ: Նա իր երեք զավակներին տվել է հայեցի դաստիարակություն: Ջորջը խոսում է նաեւ հայերեն:

Ինչպես անցյալ տարի ՕՐԵՐ ամսագրին տված հարցազրույցում նշեց Ջորջը, գերազանցությամբ ավարտել է թե դպրոցը, եւ թե Բելգրադի համալսարանը, ապա դիվանագիտական ակադեմիան: Արդեն իսկ աշխատում է Սերբիայի խորհրդարանի միջազգային հարաբերությունների բաժնում, եւ ամեն կերպ աջակցում է Հայաստանի եւ Սերբիայի հարաբերությունների զարգացմանը: Մասնագիտացել է նաեւ Եվրոպայի խորհրդի հարցերով: Նա երբեք չի թաքցրել իր հայկական ծագումը, եւ միշտ խորհրդարանում շեշտել է, որ ինքը հայ է:

«Երբ ավարտեցի դիվանագիտական ակադեմիան, ցանկությունս էր, որ նվիրվեմ հայ-սերբական հարաբերություններին, իսկ մինչ այդ ցանկանում եմ բարձրանալ սերբական քաղաքականության մեջ, որպեսզի օգնեմ Հայաստանին,- նշել էր մեզ հետ զրույցում Ջորջը: Նա ցավով է փաստում, որ սերբական քաղաքականության մեջ մեծ է Ադրբեջանի ազդեցությունը, քանի որ այդ երկիրը փողոցներ ու ճանապարհներ է կառուցում Բելգրադում:

Առջեւում խորհրդարանական գործունեության նոր փուլ է սկսվումՙ արդեն պատգամավորի կարգավիճակում: Կասկած չկա, որ նա լավագույնս իրեն կդրսեւորի նաեւ այստեղ, քանի որ լուսավոր, խելացի եւ հայրենասեր անհատ է: Շնորհավորում ենք եւ մաղթում բեղուն գործունեություն:

ՀԱԿՈԲ ԱՍԱՏՐՅԱՆ

Պրահա

2020-06-26 21:02:00

Հայկական էկեկտրոնային գրքերի և աուդիոգրքերի ամենամեծ թվային գրադարան

ԱԶԳ-Ը ԱՌԱՋԱՐԿՈՒՄ Է ԳՐԱՀՐԱՏԱՐԱԿՉԱԿԱՆ ԾԱՌԱՅՈՒԹՅՈՒՆՆԵՐ

ԱԶԴԱԳԻՐ