RSS | FACEBOOK | NLA
ԳԼԽԱՎՈՐ | ՄՇԱԿՈՒՅԹ | ԸՆՏՐԱՆԻ | ՈՐՈՆՈՒՄ | ԱՐԽԻՎ | ԹԵՄԱ | ՀԵՂԻՆԱԿՆԵՐ

WWW.AZGONLINE.AM
2020-11-23 17:06:41«Իմ քայլի» պատգամավորները հրատապ կերպով վիզաների հարց են լուծում․ Mediaport
2020-11-20 18:40:30Սոթքի ոսկու հանքավայրը կիսով չափ Ադրբեջանի տարածքում է հայտնվելու
2020-11-20 12:28:05Ալիևը ստորագրել է Արցախի շուրջ հայտարարությունը առանց Էրդողանի համաձայնության․ wargonzo
2020-11-20 11:38:21«Հրապարակ». Փաշինյանը քաղաքական առևտուր է սկսել «Իմ քայլի» հետ. «ի՞նչ տամ ձեզ, որ մնաք կողքիս»
2020-11-19 20:14:55Դիմակը գրեթե չի պաշտպանում COVID-19-ից․ հետազոտություն Դանիայում
#030, 2014-10-03 > #031, 2014-10-10 > #032, 2014-10-17 > #033, 2014-10-24 > #034, 2014-10-31

ԱԶԳ ՕՐԱԹԵՐԹ - ՄՇԱԿՈՒՅԹ #32, 17-10-2014



ԱՆՑՈՒԴԱՐՁ

Տեղադրվել է` 2014-10-16 22:31:48 (GMT +04:00)


Ընթերցված է` 847, Տպվել է` 5, Ուղարկվել է էլ.փոստով` 3

ՀԱՅ ՆՈՐ ԱՍՏՂԵՐ «ԳԱՐՆԸԿԻ» ՀԱՄԵՐԳԱՍՐԱՀԻ ԲԵՄԱՀԱՐԹԱԿԻՆ

Յակոբ ՎԱՐԴԻՎԱՌԵԱՆ

Յաջորդական վեցերորդ տարին ըլլալով «Ուղղակի օգնութիւն հայ ժողովուրդին» նիւեորքեան կազմակերպութիւնը կը նախաձեռնէ մասնաւոր համերգ հայ նորահաս տաղանդներու համար, նուիրուած բոլոր անոնց, որոնք հասած են մրցոյթի աւարտական փուլը: Դատական մարմինը կը բաղկանայ ծանօթ երաժիշտներէ` Մեթրոփոլիթըն օպերայի դիվա` Լուսին Ամարա եւ համաշխարհային վարկ վայելող դաշնակահար Շահան Արծրունի, ինչպէս նաեւ` մաեստրօ Խորէն Մէյխանեճեան, բարիթոն Վաղարշակ Օհանեան, դաշնակահարուհիներ Լուսին Բատալեան ու Կարինէ Պօղոսեան, երգահան ու դաշնակահար Կարէն Յակոբեան եւ ջութակահար Տայանա Վասիլեան:

Անցեալ տարիներուն նման եզրափակիչ համերգը տեղի ունեցաւ Նիւ Եորքի «Գարնըկի Հոլի» «Ուայլ» համերգասրահին մէջ, հոկտեմբեր 11ին, ներկայութեամբ ՄԱԿ-ի մօտ ՀՀ մշտական ներկայացչութեան հաւատարմատար դեսպան Զօհրապ Մնացականեանի, ծանօթ բարերարներու, արուեստասէր հասարակութեան եւ յայտագրին մէջ բաժին վերցնող պատանիներու ծնողներուն:

Այս տարուան համերգը նուիրուած էր Ցեղասպանութեան դարադարձին եւ այս առթիւ ալ, Արհաւիրքի զոհ մեծ երաժիշտին` Կոմիտասի գործերը լայնօրէն ներկայացուեցան ու արձագանգուեցան: Սերունդներ ամբողջ հասակ առին հայ երաժշտութեան մեծագոյն դէմքին` անմահն Կոմիտասի ստեղծագործութիւններով ու այսօր ալ, բարեբախտաբար, աշխարհի ամէն կողմ ու յաւերժական Հայաստանի մէջ կը լսուին Կոմիտասի երաժշտութիւնն ու երգերը:

Քսանէ աւելի պատանիներ, 13-18 տարեկան, ներկայացան առանձինն կամ խմբային յայտագրով: Բացի Կոմիտասի երաժշտութենէն հնչեցին Արամ Խաչատուրեանի, Համբարձում Պէրպէրեանի, Այվազեանի, Սպենդիարեանի, Ջրբաշեանի գործերը, իսկ միջազգային երաժիշտներէն` Օֆենբախի, Մոցարտի, Շոպէնի եւ Ալբենեզի ծանօթ ստեղծագործութիւններէն գեղեցիկ փունջ մը:

Կ՛արժէ անպայմանօրէն յիշատակել Յարութիւն Տիրացուեանի (դաշնամուր), Էնտրու Էօրտելեանի (օբուա), Անի Չօրպաճեանի (դաշնամուր), Նիքոլա Պոմբարթի եւ Ծովինար Այվազեանի (վոկալ) ելոյթները:

Նոյն ընտանիքէն Արյա, Սարին Պալեաններու ֆլիւթի վրայ Խաչատուրեանէն երկու ստեղծագործութիւն եւ Նարէկի նոյն հեղինակէն ծանօթ «Թոքաթա»ն վկայակոչեցին անոնց տաղանդի մասին: Գեղեցիկ մեկնաբանութեամբ Ջուլիա Նալճեանի Պէրպէրեանի «Անոր»ը նորութիւն մըն էր հանդիսականներուն համար: Իսկ Լորա Նաւասարդեան գրաւեց ներկաները թավջութակի իր նուագով:

Համերգի աւարտին խօսք առաւ միութեան գործադիր վարչութեան հիմնադիր-ատենապետուհինՙ Սվետլանա Ամիրխանեանը, որ հրաւիրեց դեսպանը տալու իր խօսքը: Պարոն Մնացականեան քաղցր պարտականութիւն ունէր յանձնելու Վաղարշակ Օհանեանին ՀՀ Մշակոյթի նախարարութեան «Նարեկացի» շքանշանը արուեստագէտին տարիներու վրայ երկարող հայ մշակոյթի տարածման աշխատանքին համար: Այնուհետեւ ան յայտնեց գնահատանքի իր խօսքը այս համերգին առթիւ:

Մշակոյթի ամսուան եւ Ցեղասպանութեան հարիւրամեայ տարելիցին առիթներով այս համերգը վստահաբար արձանագրուած պիտի մնայ նիւեորքահայ տարեգրութեան մէջ իր տեսակին մէջ որպէս եզակի ձեռնարկ:

 
 

ԱԶԳ ՕՐԱԹԵՐԹ - ՄՇԱԿՈՒՅԹ #32, 17-10-2014

Հայկական էկեկտրոնային գրքերի և աուդիոգրքերի ամենամեծ թվային գրադարան

ԱԶԳ-Ը ԱՌԱՋԱՐԿՈՒՄ Է ԳՐԱՀՐԱՏԱՐԱԿՉԱԿԱՆ ԾԱՌԱՅՈՒԹՅՈՒՆՆԵՐ

ԱԶԴԱԳԻՐ